مشكلتي الغيرة من اهل زوجي

حبيبتي احتسبي ولك الاجر ... لانهم زي ما قلتي وحيدات ... اطلعي معهم و وسعي صدرك... بس اهم شي ما تبينين لزوجك انك متضايقة لانه مهما كان هذول خواته. بس بنفس الوقت لا تنسين نفسك يعني لازم تخلين لنفسك وقت خاص انتي و زوجك يعني مثلا لو طلعتي هالاسبوع وياهم الاسبوع الجاي اطلعي انتي وزوجك بس من غير ما يدرون.....
فاذا كنتي بتروحين لمطعم او مكان رومانسي خلي الطلعة لك انتي وزوجك بس.
بس اذا كنتي بتروحين للسوق او السينما او مطاعم الفاست فود روحي وياهم ..... والله يعوض صبرك.....

عزيزتي
تناقشي انتي وزوجك وقوليله انك بحاجه انكم تطلعون لوحدكم لو مره في الاسبوع وبيني له انك تحبين خواته بس لك حق انك تتفردين فيه وتجلسون لوحدكم

صراحة خواته يكسرون الخاطر حاولي توسعين صدرك معاهم وخلي ايامك لكم وحدكم

اشكركم خواتي على حسن تعاونكم وان شاء الله بسوي اللي قلتولي اياه.

أنا من رايي إنه زوجك الغلطان حتى ولو كانوا وحيدات مش كل مره تطلعونهم معاكم لازم تكون لكم خصوصياتكم مش كل طلعة قال لهم يالله قوموا لو أنا مكان بتصير حرب صراحه مع إني والله أنا اللي أقول حق زوجي بقول لأختك تيجي معانا ويقولي لا الحمد لله إنه متفهم بس لازم أبين له إهتمامي بهم بس هو ما يريد أحد يطلع معانا بس أنا وياه ومرات اليهال معانا وبس

يحظتج اختي سنيورتا عن هالصدعة وعوار الراس الله يسعدج ويوفقتج ويوفق كل بنات المنتدى آمين يارب

تري انت في نعمة اقل شي يعني من تصرفهم انهم يرتاحوا معاكم لكن بلوتي انا اهل زوجي مااشوفهم الا كل 3او2مرة وحده مع العلم انا متزوجه من3سنوات واحنا في بلد وحده وكمان قربين نوعا ما من بعض في السكن ولافي مشاكل بيني وبينهم
بس فهمي زوجك انه لابد من الخروج لوحدكم ومافي داعي تخبروهم علشان لايزعلوا

تبغي النصيحة زوجي أخواته وارتاحي (:

حبيبتي emanooh
مدام انك ولله الحمد والله يديم عليك مرتاحه مع زوجك فهذا هو اهم شيء انا معاك انك تحتاجين لخصوصيه لكن دايم خلي في بالك ان زوجك بينتبه لتصرفاتك مع خواته وبيحطها في باله .... خواته مسيرهم بيتزوجون ان شالله ...... ساعتها بتكونين كسبتي ودهم وكسبتي ود زوجك ومحبته .. وصدقيني راح يشيلها لك ولا راح ينساها خصوصا ان خواته يتامى ما عندهم ام احتسبي الاجر عند الله وذكري دايم نفسك ان اخرتها زوجك كله لك محد بيشاركك فيه
حاولي انتي تعزمين زوجك على طلعه وفاجئيه يعني قوليله اليوم بعزمك على عشا انا وانت بس ماراح يمديه يقول لخواته وراح ينحرج لانك قلتيله انا وانت بس .... وحطي خطين تحت كلمه بس
والله يوفقك يالغاليع ويصبرك وان شالله بتنفرج
اختك
نم نم