مشكلتي بغرفة نومي

السلام عليكم
شلونكم يا فراشات يا حلوات
خلاص انا بنتحر والسبب غرفة نومي الكبت والسرير والتسريحة
خشبها صاير مثل اللي عليه جلاد ولونه قبيح اكرهه من قلب صاير لونه بيج
كنت ابي اصور الكبت لكم بس مو طايقة اشوف وجهه بانتحر
وجبت لكم صورة من النت عشان اوريكم كيف شكله
>>>والسموحة من صاحبة الصور
كبتي وتسريحتي زي هاذي بس افتح من ذي بكثير صايرة بيج وفيها مثل خطوط الخشب بني
المهم اول مرة قلت بغير لونها
جبت رش لون بني محروق ورشيتها
وكانت النتيجة احسن من قبل بس الكارثة طلع انه الرش يتقشر
يعني اقل حركة بالغرفة ينقشر الرش ويبين اللون البيج القديم
وصارت الغرفة مشمخة خصوصا كبت الملابس والتسريحة
وامس قلت ابروح محل الصبغ وبشتري صبغ قووي وما يتقشر >>قلت للهندي ابي صبغ خشب قووي وثقيل عشان ما يتقشر
واول ما رجعت البيت دهنت بالصبغ على الكبت قامت تصير تفاعلات مع الرش البني اللي سويته وطلع فقاقيع ؟؟؟
قلت خلني اجرب احك الرش واحط الصبغ واشوف يمكن يضبط
لما حكيت الكبت طلع الصبغ ما يمسك بالكبت لانه املس مره
يا بنات هل فيه حل للغرفة؟
اجلد الكبت بشامواه بنفسجي غامق والا اسود؟؟؟
والا التغليف العادي افضل ؟
لاني خايفة الشمواه يخترب بالتنظيف صح والا لا يا بنات
ولا تقولون اشتري جديدة لان الغرفة توها ما صار لها فترة وحالتي المادية ما تسمح
طلبتكم يا بنات ساعدوني بجن