مشكلتي غيرتي

شهرزاد32

23-01-2022 - 02:36 am

كل عام وانتم بخير جميعا اتمنى تساعدوني في مشكلتي
انا لي عشر شهور متزوجة احب زوجي مره اموت فيه مااتخيل حياتي بدونه اعشقه بجنون مستحيل انام الا بحضنه وعلى صوته اذا زعلت على طول يراضيني ونقطة ضعفه دموعي متاكدة انه يحبني وانا واثقة فيه بس مشكلتي اغار عليه مره حتى من اهله بالذات من امه ماتحمل اشوفه قاعد معها والله ابكي غصب عني انقهر ادري بتقولون امه بس والله مو بايدي اذا طلع من البيت احرق الجوال بكثر الاتصالات وينك مع مين وربي اخاف يمل ويطفش اسفه على الاطاله بس ماعندي غيركم

التعليقات (9)

[شوق روحي]

23-01-2022 - 06:03 am

اه ويخيتي انا كنت زيك واكثر والى الان الغيره موجوده بس بصراحه زوجي مل من هالغيرع الزايده
خف شوي على زوجك لا يمل منك

ام نايف العمري

23-01-2022 - 07:04 am

انتبهي لا تخنقينه بغيرتك...وبعدها يطفش ويمل منك وتكوني انتي سبب بعده عنك....
ولان كثرة الغيرة تسبب هز الثقة,,, انتبهي عزيزتي
الله يحميلك زوجك
انا شكلي اخس منك الله يعين علي بعد الزواج

سوسن الروح

23-01-2022 - 08:05 am

زوجي يقول كلمه وينك تكرهني في الحرمه بحدود مو كل اتصال وينك وينك
واذا على الغيره ادعي ربك يخففها عليك
واي شئ اذا زاد عن حده انقلب ضده

لــوتــس..

23-01-2022 - 09:06 am

مو حلوه الغيره الزايده هذا هوس حتى من امه !!!
حاولي تخفي عليه واذا جيتي بتدقي تسالي فينك اشغلي نفسك باي شئ غير التفكير في اش يسوي ووينه
في البدايه الوحده تكون مره تغار وتشك بسبب وبدون سبب بس بعدين يروح
اهم شئ انك اشغلي نفسك عن التفكير في شئ يثير غيرتك
موفقه

فداكـ الروح

23-01-2022 - 10:07 am

لاياقلبي اركدي شوي بحركاتك هذي تطفشين زوجك منك ويمل من القعده معك
حاولي تشغلين نفسك باشياء ثانيه خلي عندك اهتمامات ثانيه غير زوجك موتصيرين نشبه بحلقه

روز الجنوب

23-01-2022 - 11:08 am

والله اذا طلقك زوجك والله راح تعضي اصابعك ندم
افرشي سجادتك وادعي ربي يخفف عنك ها الغيرة
انا زيك لي 9 شهور متزوجة وغيرتي محدودة احبه بس ماادور وراه عشان اريح راسي وابعد عن المشاكل

أم كيمو الحلو

23-01-2022 - 12:09 pm

يا اختي وش ذا ؟؟؟
كلنا نحب ازواجنا و نغار عليهم بس من امه عاد !!!!!!!!!!!!
خففي لا تزودينها بعدين (لا سمح الله) يمل منك الرجال و تطق كبده ... حاولي تشغلي نفسك بأي شي ...
و نقطة مهمة الرجال بهالشكل يضمن انك تحبينه و يحطك بجيبه لازم تخلي زوجك هو اللي يركض وراك و ينجن من الغيرة عليك .. بعدين يأخذها نقطة ضعف لك ..
و سالفة انك تغارين من امه لازم تعيدين النظر فيها ...
الله يكون بعونك يا عسوله ..

خاب ظني آِنآ فيهم

23-01-2022 - 01:10 pm

امه هذي عيب عليك اللي تسوينه
بكره بيجيك عيال تبينهم مع زوجاتهم وبس
اتقي الله هذي امه عينيه على برها

ميمي القشطة

23-01-2022 - 02:11 pm

والله زي حركات مرت اخوي
اصلا واضحه حركاتها المريضة ونرحمها وتدرين نضحك من حركاتها و نقول الله يشفيها يارب
تراه مرض وحب تملك وانانية واضحة
انا ازهق احد ينشب لي كل وقت الواحد لازم يكون عنده استقالية وحرية
نصيحة يااختي انتبهي لعمرك

زوجي خائن ايش اسوي قبل لا يرجع من الصلاة←
يامتزوجات هل الزواج حسسك بالاستقرار والامانتجاربكم وارائكم للنقاش حياكم→