مشكلتي مع الكبسه تفشلت والله

للرفع ..
ياليت احد يفيدنا اثنينا > فاشله

شوفو يا قماري .. بالنسبة للكبسة او لجميع انواع الرز بشكل عام .. يفضل انك تنقعي الرز بموية وملح لمدة ربع ساعة او نص حسب ما يمديك ... ولما تجي تطبخيه لازم الموية بالقدر تكون اكتر من الرز ب 2 سانتي تقريبا ... يعني مو كثير موية ... لانه منقوع ولان شووي ..
هذي طريقتي جربي يمكن تنقع معاكم ...

كبسه دجاج عملتها لاهل زوجي واهلي كانو عندي ماشاء الله
هلا خيتو انتي تكثرين المويه مثل ماقالت الاخت الي قبلي خلي المويه اكثر من الرز ب2سم
وهو على حسب نوعيه رزك
انا رزي المهيدب وانقعه تقريبا نصف ساعه واذا جيت احطها اخلي المرقه تغلي واخلي نار عاليه شوي بعدين احطها وسط يعني اذا فرنك ارقام بحطها 4 او5 واقصدره واتركه وهو بسرعه يستوي ماياخذ وقت هالرز
اذا كثرت المويه عندي اخلي النار عاليه واالغطى مفتوح واكون عنده اذا قرب ينشف اغطي عليه ونسيت اقول ترى القدر له دور فيه قدور تحرق الرز اذا كان مكشن احمر مثل ساين ستيل احسن نوعيه جربتها تيفال رهيب والقدور المعدن مش بطاله
اتمنى اكون افدتك ياقلبي
دعواتك لي

مشكورين خواتي الله يوفقكم

ماقصرت ملك روحي
وان شاء الله يضبط معاك

هلا قلبي
انا ما اطبخ الا نادرا بس طبخي حلو
بخبرك بطريقتي اذا كنتي تطبخي بقدر ضغط" قدر كاتم"
خلي مقدار الموية ضعف مقدار الرز
لو الرز كاستين خلي الموية 4 كاسات
وانا اغسل الرز بدون ما انقعه ويطلع حلو
وبس

اول شي اختي لازم تكوني واثقه من نفسك وطبخك وعلى قد ثقتك راح يطلع طعم طبخك...عن تجربه,
ثاني شي حطي ببالك انه الطبخ مافي اسهل منه....
اما على موضوع الكبسه مافي اسهل منها انا اسوي الرز بدون ماانقعه احط كاسه رز وكاسه ونص مويه ولما تحطيه ع النار خلي المويه اول تغلي بعدين حطي الرز وخلي النار ع الوسط مو عاليه عشان لايحترق ولما تنشف المويه ذوقيه واذا مااستوى زيدي شوي مويه......
الله يسعدك يارب وينولك اللي في بالك ولو احتجتي اي شي تراني بالخدمه..بالتوفيق يالغاليه..
ترا الطبخ عندي هوايه.....,,,,
تقبلي مروري..
ام فيصل..

سبقتوني بمشكله الكبسه ههه والله حوسه شوفوا انا اعمل الكبسه وتطلع كويسه لاناشفه ومعجنه وكل شي مزبوط ولكن المشكله في الطعم تطلع مالها طعم مع انو فيها كل البهارات اللازمه للكبسه ومدري ليش ولاتقولو كشينها مزبوط لانو اكشنها المهم احترت ماني عارفه ايش اسوي والمشكله عندي مع جميع الارزاز يعني الزربيان والهندي كله نفس المشكله وصرت اكره الطبيخ زياده واتجنب اعمل الارزاز