مشكلتي مع اللقيمات

يمكن ماتخلينها تخمر كفايه
او الزيت بارد
او ماتاخذين راحتك بالعجن

حبي انا نفسك بعدين اخذت طريقة امي الله يطول بعمرها
طريقة القيمات ...
طحين على حسب اللي عندك كاس كاسين انا احط كاس بس
وخمير فوريه ملعقه كبيره
وحليب نيدو هاذا اهم شي ملعقه كبيره
وزيت اشوي
وسكر على طرف اصبعك
ورشة ملح
ومااي لين تشوفيها لانت حطي عليها سفره يعني انا اسويها من 3 واطبخها 5
والله يوفقك

خليها تخمر كثير وحطي نشاء ملعقتين
والحليب البودرة ناقصها

احلا لقيمات وبعد تجارب وتجارب مضنيه
<<<<< مجنونة لقيمات
هي اي كرتون لقيمات مثلا لقمة القاضي واذا جيتي تعجنيه حطي على الكرتون كلها علبة قشطه واذا استخدمتي نص الكرتونه حكي نص علبة القشطه واعجينها عادي وخليها ساعه تتخمر وبالعافيه تطلع تجنن

شوفي خلج من الطرآئق الطرآيق وآآجد آنآ آمي كآنت مآتعرف تضبطهآ بس جآرتهآ الله يجزآهآ خخير قآلت لآمي طريقتج زينة
بس مشكلتمج وحدة ححطي الزيت بقدر آحنآ نسميهآ صفرية وخلية الى ربع الصفرية آو القدر وسوي للقيمآت وتعآلي قولي لي

شووفي اليوم بإذن الله بانزل طريقه اللقيماات سهله ومقاديرها مضبوطه
والطحين حق الكوويت
1 كاس دقيق ..ملعقه سكر ..رشه ملح ..ملعقه صغيره بيكنج بودر ..كاس حليب دافي << تحطين بنفس كاس الدقيق 3 ملاعق حليب وتسووينه دافي بس
تخلططين المكونات الجافه مع بعض وتزيدين الحليب عليها واذا حبيتي ضيفي حبه سوداء وزعفران
ووبس ترى ما تحتاج تتخمر كثير بعد ..سوويها وادعي لي ..

ام عبود
ما في خميرة وإلا نسيتي تذكريها ؟
يسعدك ربي
.

وعليكم السلام ورحمة الله وبركاته
هذي طريقة مضمونة بإذن الله لكل وحدة ماتعرف تضبط اللقيمات
بس هاه ؟ لا تسنيني من دعوة عند الفطور إن الله يشفيني
كرتون لقيمات هونيج + أعجنيه بلبن مهوب بارد فقط ، بدون موية ولا خرابيط
واتركيه ساعة ونصف ، وإن حبيتي تضيفين شوية حبة البركة ياسلام
ثم اقليها وحطيها في شاخولة لين تخلصين قلي عشان ينزل زيتها
وبعدين على طول حطيها بقدر ورشي عليها عسل وغطي القدر ورجّيه لين يتوزع العسل مضبوط
وبالعافية على قلبك أحلى وأبسط وصفة
وعلى فكرة النشا مهوب زين للقيمات يقسيها ويلبك بالبطن

كلام طموحي غير صح 100 بالميه
انا خبيره فاللقيمات
شوفي حبيبتي السر مو بالعجينه لان في اكثر من طريقه للعجن
اولا شي الخميره تكون ثقيله لان الخفيفه بتحوسك حتى بعد ماتزودي عليها دقيق
اعجني عجينتك وخليها ثقيله ولازم يكون مع العجينه شوية عجينة خميره حاهزه من قبل
عند الخبز اذا ماعندك مقلاه خوذي قدر عميق واغمريه للربع او النص زيت((نفس المقلاه))
خليه حوالي ربع او نص ساعه على الغاز يتحمى
بعدها جربي وحده بس اذا انتفخت على طول
ابدي بالباقي لان اذا حميتي الزيت القطايف تستوي وتتقلب من نفسها كل اللي عليك تشيلي بالملعقه وتودي الصحن
شي مهم عند خبز اللقيمات
لازم تجهزي الصحن اللي بتحطي فيه اللقيمات
والملعقه اللي تشيلي فيها اللقيمات
وتكوون كلها جافه
لان اذا حميتي الزيت القطايف بسررعه تستوي وتتقلب من نفسها
ويلا بشرينا عنك بكره