مشكلتي مع زوجي وتصرفاته الله يسعد اللي تدخل وسخر لها زوجها ياارب

1. ويرجع يتابع التلفزيون ويجلس يسهههر وانا انقهر منه واخليه واروح انام

السلام عليكم ورحمة الله وبركاته
بنات الله يسعدكم حابة اخذ رايكم بموضوع مو عارفة لمين اقوله ...
مشكلتي مع زوجي انه بارد لأبعد درجة
من جميع النواحي .......
هو من اول كذآ يعني من لمن ملكنا وهذا هو لا هدية لا كلام لا رسالة رومنسية ولاشي
انا اشوف المخطوبين يجلسون بالساعات يتكلمون هو بحياته ماكلمني ربع ساعة
كنت اقول انه مشغول ودايم مسافر ومن هالكلام حتى بعد الزواج مافرقت معاه
واغلب المشاكل اللي تصير من ورى هالشي وهو يقول يموت فيني وانه يحبني اكثر ما انا احبه
بس الحب له دلائل مو بس كلام هو حبوب مرة وكريم معي واي شي اطلبه اذا قدر ما ينقصه علي
بس نفسي انه يحبني مثل كل الرجال اللي يحبو زوجاتهم
اشوف اخواتي كيف يدلعون اختي الكبيرة لها 4 سنوات متزوجة ماشاء الله ولمن تسافر تجلس تكلمه اكثر من 3 ساعات
انا لمن يسافر اتصل فيه مايرد ارجع اتصل يقول اتعشى مع اصحابي لمن ارجع البيت اكلمك وينام وينسى يتصل ........
حتى لمن ألبس لبس مرتب وحلو اذا انتبه بركة يقول انتي مين ....

ويرجع يتابع التلفزيون ويجلس يسهههر وانا انقهر منه واخليه واروح انام

او على النت 24 ساعة يطالع في الأخبار قلت مو مشكلة يمكن ويمكن .... واحط له اعذار
من فترة حصلت بينا مشكلة بسبب النت انا ماعمري شفت رجال زوجته مترتبة اخر ترتيب واحلا لبس وهو ولا همه .... جالس على النت لين الساعة4 الفجر انا تركته ورحت نمت لأن بنتي تصحى بدري واخاف اذا ما نمت ما احس على صوتها لمن تبكي
تخيلو صحيت الساعة 8 على صوت بنتي تبكي وهو صاحي ما قام ولا شافها يوم قامت قام يشوفها انا لمن شفته صاحي انقهههرت منه وقلت خليني اطنشه واسوي مثله ما اهتم فيه واجلس اسهر وهو ينام لوحده المهم على الساعة 10 راح عمله ورجع الظهر حطيت له الغدا وبنتي نامت وانا نمت على اساس هو بيجي ينام >> مواصل من الليل
وصحيت المغرب ولقيته لسا صاحي ......وانا طبعا جنيت بس سكت وطنشته وطلب منه يجيب اغراض لبنته قال انا بنام نص ساعة وصحيني
هو نومه العادي ثقيل كيف اصحيه بعد نص ساعة وهو مواصل بعدين له مدري كم ساعة مواصل ولمن طلبته جاه النوم
وترك الجهاز ونام انا مرة انقهرت وكسرت الجهاز ضربته على الأرض
وبدأ بينا الكلام >> ما اذكر شي
اخذذت جواله واتصلت على اهلي عشان ياخذوني بس هو مارضي اطلع من البيت
ادري اني كبرتها بإتصالي على اهلي بس ماعاد اقدر اتحمل
وبنفس اليوم صالحني واعتذر مني وقال هو قاصد يسهر ويطنشني عشان يشوف اذا احبه او لا
صارت تصرفاته ما تنحمل اهماله للصلاة اولا واكثر شي يقهرني
كل شوي يدخن وانا مليون مرة قلتله لا تدخن بالبيت
كلامه المزعج يعني اي شي ينرفزني يسويه وغيره كثير .......
انا صرت عصبية ما احس نفسي متزوجة طول اليوم اما على النت او على التلفزيون ....
ولو لبست قميص نوم حلو وكشخة احسه مايبدي اي ردة فعل احس نفسي ما اغريه ولا لي تأثير عليه مع ان كل الناس تشهد بجمالي ولله الحمد من جمع النواحي
بس هو مايطالع ولا ينتبه ماعمره قال لي كلمة حلوة ولا ناداني عشان انام معه
حتى العلاقة مملة وروتينة يسوي الشي الضروري بس وينام لاحضن ولا كلمة رومنسية ولا حتى بوسة خ>> اسفة على الجرأة
ما احس في شي اتجاهي لا شهوة ولا شي
هالكلام من اول ماتزوجت انا استغرب كيف عروس وهو بارد ما عنده اي ردة فعل
مليت من القصة حتى بيتي اهملته ماعاد سويت فيه شي واهملت نفسي مع اني احب اللبس والمكياج كثير
طنشته فترة واهتميت بنفسي وبلبسي ومكياجي ماقدرت صرت احس نفسي مثل الكنب قدامه لا مشاعر ولا احساس ماعاد حسيت بشي اتمنى يحبني مثل اي زوج يحب زوجته يشوفها كل الدنيا
بس هو لا لمن اكلمه يقول انا اسوي كل شي عشانك هو صح يسوي كل شي ابيه ما انكر هالشي انا ابيه يحبني وبس ما ابي شي ثاني
اسفة على الإطالة بس وربي من حرقة قلبي اكتب وانا ابكي مشكلة تافهة صح بس بالنسبة لي مهمة مااحب المشاكل تتراكم وتصير كبيرة كرهت نفسي ماعاد حسيته اني احبه مثل اول كل كلامه انا بموت وانتي السبب انا بنتحر انا بسافر اجاهد في سبيل الله وبخليك انتي اكيد رح تتزوجي لأنك ارتحتي مني كلامه كله من هالنوع واحيانا يدعي على نفسه اذا زعلت منه عشانه يعرف اني اموت فيه ويقهرني هالشي
بنات في مواقف احيانا تصير من يوم وانا عروس
كنت اصحيه وحطيت يدي على كتفه وهو يبعدها انا حسبته يمزح ورجهت حطيتها وهو يقول بعدي عندي ويبعد يدي عنه هالموقف صار اكثر من مرة لمن صحي قال حسيت اني بختنق وماقدرت اتنفس
مدري ليش
الله يسعدكم بنات ساعدوني وادعولي ربي يسخره لي يارب
بدون ردود جارحة لو سمحتوا اللي فيني كافي