مشكلتي مع زوجي

بسم الله الرحمن الرحيم
مشكلتي مع زوجي إبتدت من جاه إنتداب إلى الكويت قبل شهر
قبل مايروح كان معزم يوديني بس على قولته يشوف الاوضاع وبعدها ياخذني
لكن دوامه كان طويل حوالي 14 ساعه وهذا اللي خلاني أتردد إني أروح معاه لإني راح أكون طول الوقت لحالي .. وإذا جاء من الدوام جاء تعبان
بعدين قام يتعذر إن ظروف المعيشه غاليه وراح يكتفي إنه ياخذني من إسبوع لأسبوع يومين أو ثلاث
لإني أكتشفت إنه أخذ غرفه مع خويه من باب التوفير
وحجته في كل هذا مايبغى يضيع فلوسه على شقه وأكل وطلعات ومن هاالكلام
هو جاي يحوش مو جاي يبعثر فلوسه
وأنا الصراحه مش قادره على بعده
وكل مافتحت الموضوع وياه إنه ياخذني طلع لي بسالفة التوفير وإن السكن غالي ومن هاالكلام
أقنع نفسي كل يوم لاتكلمينه في الموضوع ولاتناقشينه فيه
لكن أرجع وأفتحه ويااه من جديد غصب عني لإني ماأتحمل فرقاه
مشكلتي أحبه وفرقاه قويه .. وفي المقابل واحد بارد جامد ماهميته
كل ماقلت له أبيك رجع وفتح لي السبب نفسه
أمس بالتحديد وصلت لقناعه ... أو بمعنى ثاني أستحيت على دمي وقلت يكفي " قطة وجه " وخليه على راحته
وحلفت إني ماأطبها وياه حتى لو عزم يأخذني للكويت وكرهني فيها أصلاً .. حتى قلت له إن نزلاتك مو شرط تنزلها
للمعلوميه أنا وعيالي جالسين بيت أهلي ... وكل ماناقشته في موضوع النزله يقول ماأقدر أعرف إذا بنزل أو لا .. إلا على آخر الوقت ............
والإنتداب مطول يمكن يمتد إلى سنه ............ وعلى فكره ثقتي عمياء فيه والرجال يخاف ربه ومو راعي سوالف .... وماهو مقصر معاي من ناحية الفلوس
مدري وش خلاني أكتب قصتي .. لكن من باب إن الواحد يفضفض شوي عن نفسه ...
رأيكم ؟؟؟؟؟؟؟؟؟؟؟؟؟؟