مشكلتي يمكن اول مرة تسمعونها

انا بنت متزوجة عمري 23 سنه ومتزوجة من حوالي سنتين عندي مشكلة في الدورة ,,
دورتي من زمان وهي متلخبطة تقريبا من 6 او 7 سنوات اول مرة تلخبطت اكلت حبوب ماذكر اسمها لكن كانت حبوب زرقاء صغيرة لمدة شهر ولا انتظمت ولما رجعت للدكتورة بعد شهرين او ثلاث شهور قالت المفروض انك اكلتيها 3 شهور مو شهر وعدت نفس العلاج لمدة ثلاث شهور وكمان مانفع ولا انتظم وجلست سنتين ماتعالجت ورحت لدكتورة وعطتني القرص ولا فاد معي وامي خافت علي قالت البنت المفروض ماتتعالج الين تتزوج وخصوصا معك لان مانفع معي العلاج وجلست سنوات تطور معها اللخبطة صار ماتجيني الا كل سته شهور وماتكون دورة على طول تنزل متقطعة 20 يوم ثم دورة خفيفة النزول لمدة 15 يوم تقريبا بدون انقطاع,,
انخطبت وتوترت ايام خطبتي ونزلت مني الدورة لحد قبل زواجي بأسبوع ماوقفت (حوالي شهر) الين رحت لدكتورة وعطتني القرص لمدة 3 شهور وتزوجت وانا اكلها وكمان مانفع بعد سنه رجعت اعالج وحللت قالت الدكتورة كل شي سليم ماعدا المبايض ضعيفة جدا بسبب عدم نزول الدورة ( حجمها 12) واكلت كلوميد ولانفع ووصفت لي الابر وتحسن حجم المبايض بس ماحصل حمل وكمان تلخبطت الدورة ولو تلاحظون من اول ماترك الدواء على طول تتلخبط ماتنتظم الا شهر او ماتنتظم ابد ...
مشكلتي الحين متزوجة وصار بدل كل سته شهور تجي كل 4 شهور وتجلس 20 يوم متقطع + 15 يوم دورة والحين زوجي يسأل انتي من زمان كذا ويدور على دكاترة كويسين لي ؟؟..
وش رايكم ؟؟ وش اسوي اراجع دكتورة ؟؟ عندكم اسم دكتورة كويسة ؟؟ فية احد واجهته زي هذي المشكلة ؟؟