مشكله اختي وزوجها الجبار

اخواتي الفراشات اليوم انا ابغاكم تشاركوني بردودكم واقتراحاتكم لمشكلة اختي مع زوجها اللي مايخاف الله
اختي قبل 5 سنوات انخطبت لرجال ملتزم شكلا الثوب واللحية الطويلة ولماشافتوة وافقت عليه لالتزامو عشان يعينها ع دينها بالرغم انو مطلق مرتين وعندة اطفال (بنتين وولد) ولمااهلو جزاهم الله كل خير لما جوه خطبوها قالو ان العيب من الحريم ولا ولدناطيب ويخاف الله وكريم واخلاق وسالناهم ع اولاد ولدهم قالوا اذا امهاتهم اتزوجوا احنا اللي راح نربيهم بنتكم مالها دخل فيهم احنا اللي مكلفين اما هي ماهي مكلفة فيهم وطبعا الوالد صدقهم وماكتب شرط بالعقد انو اختي مالها دخل بيهم واذا جو عندها يجيبلهم شغاله
المهم وافقت اختي وملكوا وطبعا في فترة الخطوبة اللي مااتعدت شهرين اكلها العسل والشهد بالكلام الحلو والغزل وعيشها فوق السحاب وطبعا ماكانت تشوفوا كثير لانو ساكن بالرياض وهي ببلدة اخرى يعني ماشافتوا الا مرتين بس وطول فترة الملكة وهو يقولها انا مسكين انظلمت في الزواجتين معااني طيب وملتزم وهي مسكينة تصدق حتى لماجينا نبغا نسوي شبكة ونطول فترة الخطوبة شويه كلمها وقلها انا لحالي وحيد لااهل ولااحد وازوجة مانبغا فترة الخطوبه تتطول قالت طيب اللي تبغاه يصير والله يبنات راح في اسبوع وصى اهلو لانهم ساكنين في نفس المدينة اللي احنا فيها وصاهم يشوفوا اي قصر انشاالله حتى لو استراحة المهم انو يبغا يتزوج وراحت اختي كل يوم تنزل السوق عشان تخلص قبل موعد الزواج تنزل صبح ومسى لا ويقولها لاتكثري شنطة صغيرة انا انزل السوق واكسيكي لاتكلفي ع اهلي والله يابنات فستان مافصلت مامداها ومالقت اجار شي عدل اصلا مافي وقت تدور غير وحدة جزاها الله خير اعطتها فستانها بالتاج وصار الفرح والحمد لله بااستراحة الله يعلم بها والله اني زعلت من اختي قلتلها الاستراحة مو حقت زواجات صح شبكة سابع ام فرح لا والله انا مو قصدي انو لازم شي عليه القيمة ولامايصير بس شي يشرف وبعدين هو صارف ع الزواجتين الاول شي وشويات ماجات ع اختي المسكينة ولاتفوتكم الكوشة لا ولا الميز والله كل الناس علقوا ع فرحها قلنا مو مشكله المهم بنتنا تكون مبسوطة بحياتهاواحنا مهورنا 20الف بس وهم مهورهم 70 الف ولاطلبنا لاذهب ولاشي لا وازيدكم من الشعر بيت اهلي طلعوا الرياض يشوفوا شقتها ويودوا دبشها يقولوا ماغير الا غرفة النوم بس مو مشكله كلوا وسخ دنيا
المهم اتجوزت ونزلت بفندق يومين والله يابنات تحكيني تقول عطشت اخدت من الموية اللي في الثلاجة تبع الفندق صرخ عليه قلها هاذولي نصابين انا انزل اجيب من البقاله لاتلمسي شي من الثلاجة قالت طيب وبعدين يومين حاسب ع الفندق ونزل عند اهلوا اللي كلهم يكشوا ع بعض الاهي في سلفتها واخوانوا لا وابشركم وانتو بكرامة الحمام مشترك(يناس عروسة والحمام مشترك)تقول لمااقوم من النوم استحي اروح اتحمم لانو الغرفة في وسط البيت الكل يشوفها لاطلعت المهم صبرت الين قال نبغا نسافر شهر العسل نروح مكة ناخذ عمرة وبعدين نروح جدة نتمشى قالت اشوى بناخذ راحتنا شويه اللي الادها والامر اخذ اختو الصغيرة معاهم(20سنة) تخيلو وقالت يالله مو مشكله وبعد شهر العسل راحو لبيتهم بالرياض وهي ماشاء الله حملت ع طول تقول احس نفسي بس ابغا انام وهو لوجاء ولقاها نايمة ومو مسويه الغداء يتكلم عليها انت حمارة انت غبيه لا والمشكلة تحت شقتها مطاعم ماينزل يجيب لايتكلم عليها ولماتتوحم مايجبلها طلع الاستاذ بخيل مع ان راتبو 8000 ريال المهم راحت وانحبست في شقتها بالرياض لاتماشي ولا شي ولما وصلت الشهر الثامن نزلت عندنا تولد وبعد الاربعين جااخدها وماشاء الله حملت ع طول وهنا بدت معاناتها بداء اللسان يطول بزيادة عن اول لا والادها والامر بدا يمد يدوا عليها ويخنقها ويسد خشمها يقلها ابغاكي تموتي ولمااتصلت ع اهلوا تشتكي ابو يقولها مافي احد يموت قبل يومو وماكانت تقول لاهلي ع مشاكلها تقول ابويا كبير ومعاه السكر ماابغاه يزعل ويصير فيه شي وبعد ولادتها ببنتها التانية نقلوا تبوك وقالت ماابغا احمل الين مااشوف راح استمر معاة ولالا لانو بدالاسلوب ماراح استمر معاه واستعملت مانع قبل لاتروح عندوا وبرضوا يهزاها ويضربها ويقلها انتي اخس الحريم وطبخك يقرف ماتعرفي تطبخي لاوايش اكلوا بس كبسة وبخيل لابعد الحدود اذاجاعت وراحت تاكل يقلها انتي بس تاكلي بلى في بطنك يادبه ولو تشوفوها والله بدون مبالغة بعد زواجها نزلت النص وكل عيلتنا انتبهوا لدى الشي ومايجيبها عندناالااذا هو حب ومايحترم لاابوي ولاامي يسلم عليهم بطرف يدوا واذا جات امي المجلس وهو فيه والله مايكلف ع نفسوا يوقف لها
والله يابنات رجال عديم الاخلاق تخيلوا اختي لما تجي عند اهلي اذا كان عند دوره ولاشي تبيع ذهبها عشان تكسي بناتها والله يجونا كانهم بنات شحات الملابس صغيرة ومقطعة تقول ايش اسوي مايرضى يشتريلنا والله حالتهم تكسف وهي تشتريلهم عشان لماتطلع معانا عند عيلتنا مسكينة محرومه من اهلها ومحرومه من حنان زوجها ومحرومة من الطلعات اخ بس ايش اقول حسبي الله ونعم الوكيل
لا ومسكينة جابت بنتين تؤام وكلهم صغار واليوم هي اتصلت علينا طلبت من الوالد يروحلها تخيلوا اللي مايستحي ع وجهه ضاربها قدام بناتها وهي لااحت عند الجيران المشكلة قبل كذا ابويا قالوا لاتضربها اذا غلطت عليك اتصل عليه وانا اربيها مع انها ماغلطت عليه بس حيونه منه وسبب مشكلتها هادي بناتوا من زوجتوا الولى طالبهم بالمحكمة انتو اسمعوا واحكموا قالها ابغا اسحب بناتي هادا الكلام قبل سنة واجيبهم عندي قالتلوا الله يحييهم بناتك هم بناتي راح قلها اصلا مو برضاك غصبا عنك تكوني شغاله لهم قالت مدام كلامك كدا جيبلهم شغاله تشيلهم انا يالله ببناتي 4 في رقبتي طبعا رفض ودحين بناتوا في المدرسة وحدة اولى ووحدة تاني ابتدائي وطالب بالمحكمة انو يسحبهم جاء في بداية الشهر عشان يحضر الجلسة وخلاها اللي مايخاف الله لحالها هي وبناتها وبيتها شعبي وماتعرف احد هناك تقول عشت بقلق الين ماجاء واحنا كل شويه نتصل نطمن عليها وع بناتها ودحين عندوا جلسة قال يبغا يجي يحضر مع انو موكل ابوه بس لعانه قالت ماتخلينا هنا لحالنا قالها ماني اخذكم تجلسوا هنا زي الكلاب اللين مااجي ومسكها وضربها الله يكسر يدوا ودحين هي ماتبغاه لاوجا من عند الباب (باب جيرانها) وسحب بناتها الكبار عندوا تقول بنجن اسمع صوتهم يبكوا لانو جارهم لصيقهم ودحين مااسمع لهم حس تقول ماني قادرة انام وماني عارفة ايش اسوي انا قلتلها اتصلي ع هيئة مدري لجنة العنف الاسري عشان بكرة لمايجي يبغا يسحبهم(اذا اتطلقوا)يكون في اثبات عليه وماني عارفة ايش اسوي والله يابنات عايشين في قلق الوالد في الطريق رايح والوالدة ماهي قادرة تنام وحالتنا الله يعلم بيها لاويقولها في وحدة ابغا اتزوجها مدرسة تروح كلبة وتجي كلبه
الرجاء انصحوني ايش اقولها اهدي عليها هي مصره ع الطلاق تقول كفاية عمري اللي راح وشبابي ومع كثر مايضربها ع راسها صارت ماتشوف زي الناس ولاتسمع ولاتشم تقول صابرة بس عشان بناتي بس دحين خلاص مالي جلسة معاه وفي خباياكثير عنو بس كفايه رفعت ضغطكم بدا خلي اللي بالقلب بالقلب