مصيبتي اني اكبر من زوجي بسنتين ساعدوني

والله ويعلم الله لا البنت مرتاحه ولا المتزوجه مرتاحه شوفو قصتي ...؟
انا تقدم لي اكثر من شخص من قبيلتي وأقاربي لكن سبحان الله ما فيه نصيب واهلي كان لهم يد
في السالفه مره هذا ما يصلح ومره هاذا مو من الجماعه و.................؟؟
المهم خطبني واحد من جماعتنا بس من بعيد مره وبعد الزواج طلعت اكبر منه بسنتين
وعشت أنواع القلق النفسي والعذاب من اهله بسبب عمري وأهله أصلآ ما كانو راضين فيني انا شخصيآ يعني من قبل لا يدرو عن سني واحنا والله ماكنا ندري عن عمره ولا هو سأل عن سني يعني مالي ذنب هو عمره 25 وانا 27 ...لا وأزيدكم من الشعر بيت اخته اكبر من زوجها بسنه والوضع عندهم عادي ؟
وزوجي كان متأثر في البدايه لكن بعد فتره حلف لي انه عادي ومعيشني بسعاده الحمد لله لكن اهله حسبي الله وكفى باالله حسيبآ ما ريحوني لألحين..
لأنه بعد كان متزوج بنت خاله وقبل لا يتزوجني طلقها وامه تحبها وهو بينه وبين زوجته الاولى مشاكل وما بينهم عيال والبنت تقول ان عمتي هي السبب في طلاقها ,,,....
والى الآن لي سنتين متزوجه ولا زلت اعاني من اهله وبالذات امه الله يهديها والله اني اعاملها معامله الكل يحسد عمتي عليها لأني اخاف الله قبل كل شي بس وش اسوي هذا نصيبي ومكتوب لي ....
شفتو يا بنات معاناتي والله ما في وحده مرتاحه والله يا بنات والشاهد الله اني شايلتهم من على الأرض شيل والناس كلهم عارفين وشايفين أدور رضاهم دواره ..
زوجي كان في البدايه متأثر من سالفة السن بس بعدها قال والله عادي المشكله اهله ماني عارفه لهم طريق وش السواه
اخت زوجي اذا اخذتها معي لمكان عشان تنبسط تدق علي امها اليوم الثاني وتقول بنتي مالك دخل فيها لا عاد تاخذيها معك مكان
والبنت تقول هي اللي أجبرتني وغصبتني اروح معها ..؟ وهي والله يا بنات راضيه ..... وسببو مشكله بيني وبين زوجي وانا مظلومه وسفرني آخر الليل لوحدي بالطياره وما وصلت الا الفجر
وتركني شهرين ولا سأل ولا اتصل وبعدها رجعني يوم عرف اني مظلومه بس انه جرحني وعشان يطلع عذر كان يقول للناس انها تنمص حواجبها وانا والله ما عمري نمصتها ولا افكر اغضب ربي لكن كنت اشقرها والحين بطلت ....
وامه كانت تقول للناس ان تقديمي للسفره مو تمام والناس كلهم عارفين اني راعية مطبخ من الدرجه الاولى وبشهادة الجميع الحمد لله
غير كذا كل ما سافرت ورجعت البيت الاقيه مزبله وانتو بكرامه كأنه شارع من القرف اللي فيه واذا نا قشته قال اهلي ما اقدر اقول لهم شي هذا بيت ولدهم ومالك حق تقولي شي وأنا والله ما أطلع من بيتي الا وهو مثل الورده بالنظافه ....
غير كذا بعد كل ما جلسنا في جمعة ناس أو استراحه تبدى عمتي تحكي قصة حياة زوجي مع زوجته الاولى وانه يحبها لين هاالوقت ويقول والله ما انساها لو اموت وانه ندم يوم طلقها وندم انه تسرع وتزوجني ؟؟ ومالها الا هاالسالفه وانا ما احب اسمعها لأني ما أتخيل ان زوجي كان في يوم من الايام ينام مع غيري أحس يوم افكر بهاالسالفه احس اني ابتجنن من التفكير وعمتي تتعمد دايم تقولها وأنا ما غير ساكته ووالله ما ارد عليها بكلمه
حتى والله يا بنات حملت ما احد من اهله بارك لي وسقطت وجلست شهر كامل لا احد اهتم فيني وقدر اني تعبانه ولا احد تحمد لي بالسلامه الا بعد شهر لا وزارتني بس عمتي وقت زيارة جماعتي وتقول ما كانت تدري عني وهم ساكنين في نفس العماره والحين تقول للناس انها هي اللي دعت علي وما تم حملي ......؟؟
والله يا بنات عجزت وشلون اتصرف معهم تكفون ادعولي وانصحوني خصوصآ المتزوجات ....