مطبق من مطبخي أحلا من اللي يجيبه زوجي من المطعم تفضلوا حياكم

السلام عليكم ورحمة الله وبركاته
كل عام وانتم بخير
سويت مطبق امس وارسلت لاهل زوجي مابقى منه ماشاء الله ولا حبه
نفس مقادير سنبوستي بس أضفت ملعقة زيت وبيضه ويوم خلصت حطيت بالقدر اللي فيه العجينه شوية زيت ونحط على العجينه بعد ملعقة زيت
مقادير المطبق
كوبين طحين
كوب ماء او اقل بشوي
ملح
ملعقة صغيره نشا
3ملاعق صغيره حليب
بين الاصابع شوية خميره
ملعقه صغيره بكنج بودر
بيضه
ملعقة زيت
نخلط كل المقادير ونضيف المويه آخر شي
وحتى اذا حبيتن تزيدن الطحين عادي نفس المقادير بس زيدن المويه لين تصير عجينه متماسكه
وتصير بالشكل هذا
ونكورها كور صغيره ونخليها نص ساعه ترتاح
نجهز الحشوه
لحمه مفرومه نكشنها بزيت وبصل وماجي وبهارات واذا استوت نطفي النار ونقطع عليها بندوره وكراث ونحط عليهم 3بيضات وتصير بالشكل هذا
ونبدأ نشتغل فيها ,,,,, نفرد العجينه على طاوله مدهونه زيت ونرققها بالمره بالشكل هذا
ونحط فيها الحشوة
ونسكرها ونقطعها
ونكون مسخنين الصاج وداهنينه بزيت ونحمر المطبق من تحته واذا تحمر نقلبه بس لازم نرصه بالملعقه اذا قلبناه ونقلبه لين يستوي على حراره متوسطه
ونحطه بحافظه لين نخلص كل الكميه ونقطعه ونعصر عليه ليمون وهذا الشكل النهائي
واللي تبغى العجينه الجاهزه اسهل بس والله هذي احسن واصح
وبالعافيه