مطلقه مرتين وخايفه من الثالثه

بنات والله اكتبلكم وانا من جد مهمومه وماني عارفه كيف اتصرف انا متزوجه لي 3سنوات ومعايه بنتين ومطلقه مرتين تخيلو يعني بعد عشر سنوات كم مره بطلق اذا طلقتين في 3سنوات المهم انا وزوجي نحب بعض ومتفاهمين الحمد الله لكن زيي ماانتو عارفين مافي بيت يخلو من المشاكل في بداية زواجي كانت تقريبا كل شهر تصير مشكله وتكبر وتوصل لاهلي واقعد عندهم اسبوع اواكثر ويرجع يصالحني وتتنتهي السالفه طبعا تكون نهايتها يمد يده وعشان كذا اروح لااهلي المهم خلاص حلف قدام ابوي انه مايمد يده اذا عصب لكن صار اللي اللعن من كذا اذا عصب قال انتي طالق مع انه يحبني ومايقولها وهو يقصد لكن ماادري وش فيه اول مره قالها وعلى طول قمت بكيت صدمه ليه وهو يبكي معاي ويقول ليش تخليني اقولها وعلى طول في نفس اليوم رجعني وحلفلي انه ماعاد يعيدها وطمني وانا خلاص نسيت السالفه لكن بعدها بسنه يعني قبل كم شهر كنا في دبي نتمشى تخيلو واحنا في المول تزاعلنا وعصب علي وقال انتي طالق ويوم رجعنا الفندق قال خلاص انا رجعتك ولاكأن صاير شي والحين حياتي معاه مستقره بس انا خايفه ماعاد بقي الا طلقه وحده واتوقع انه يسويها في اي وقت وانا متاكده انه يحبني واللحين كل ماافتح معاه هالسالفه انه مابقي الا طلقه وحده يقول تكفين لاتذكريني مستحيل اطلقك وانا مرتاح معاك ولا ابي غيرك طيب والطلاق خلاصانسي ماراح يصيرو قفلي على الموضوع وانا والله ماني مرتاحه خلاص صرت اهوجس كل شي الا الثالثه مستحيل اتخيل حياتي بدوونه متعلقه فيه بشكل وهو بعد بس قولولي وش اسوي اذا عصب عشان اتفادى الطلاق وهل في وحده طلقها زوجها مرتين ولاعاد قال الثالثه طمنوني تكفون والل يماتعرف تدعيلي وتقولي كيف اتصرف اذا عصب تكفون مالي الا الله ثم انتم مااقدر اقول لاحد اني مطلقه مرتين