معقول ياناس سبع سنين احاول وماتضبط معاي الكيكه ياهوه ياخبيرات تجملو فيني

السلام عليكم ورحمة الله وبركاته ....
انا بحكيلكم قصتي مع الكيك تخيلو من سبع سنين وانا احاول تظبط معاي ومافي فايده وما مليت مابين وبين ارجع اسويها قلت اول شي يمكن اللي اعطتني المقادير نقصت اوزودت فيها قالتلي تعالي طيب عندي وسويها قدامي سويتها عندها بنفس المقادير وضبطت مدري شلون
قلت يمكن المضرب حقي مو قوي رحت السوق واخذتلي مضرب قوي اللي هو من السيف وماضبط
الحين اخر شي افكر فيه الفرن قلت يمكن منه مع انه جديد
وسويت كل شي عشان تظبط من اني افتح الفرن قبل ادخلها ومره اسويها على نار متوسطه ومره على نار هادئه ومافي فايده
قولولي انتو الحين يااصحاب الخبره وش السالفه والله اني صرت متفشله من زوجي بالمره وحتى هو ماصار يوثق في طبخي
والحين بقولكم على المقادير وقولولي وين العله بس لا تقولو البيض اربع ولا ست انا حدي 3
وليه تظبط مع صديقتي بنفس المقادير وانا لا
اخليكم مع المقادير
1- 3 بيضات
2- شوية فانيلا
3-كوب سكر
4-كوب زيت
5-1/2 كوب حليب سائل(نص كوب اقصد)
6-1/2 كوب مويا
7-كوب ونص دقيق
8-ملعقه ونص بكنج بودر
تكفون الحين ابي اجتهاداتكم وارحموني مجننتني هالكيكه على فكره طعمها روعه
يمكن تظبط معكم
معليش طولت عليكم بس من الحره اللي فيني
دمتم بود