معلمة التآآريخ كارهتني وحاقده علي

1. بقول لكم مشكلتي معهاا وبليز تسااعدوني ..


2. اليوم معلمة التاريخ ماقصرت فيني ..


3. فيه موقف صار لي معهاا من قبل وهي فهمته غلط ب غلط ..


4. انه فيه يوم من الاياام ..


5. المهم اني انا سكتت ودق الجرس وطلعت ورحت لها بمكتبها ..

السلام عليكم ..
اخباركم ؟؟

بقول لكم مشكلتي معهاا وبليز تسااعدوني ..

اليوم معلمة التاريخ ماقصرت فيني ..

كانت بالحصه تشرح وسألتها سؤال متعلق بالدرس .. وجاوبتني بعدين قالت انتي يا فلآنه كنتي سااكته طول الحصه و ما انتي فالحه الا بالابتسامات و التعليقات والسوالف الجانبيه ومن هالكلام .. وتاركه المشاركه على جنب .. واللحين تسأليني .. قلت لها : ليش يعني انا ما شاركت ؟؟ ( للمعلوميه انا مشاركة معهاا بس قليل مو زي دايم لاني كنت تعبانه ..)
المهم .. قالت يعني عاجبتك مشاركتك اليوم .. قلت : الحمدلله .. قالت لا ابداا هذا الي انتي فالحه فيه تسولفين مع الي جنبك بس الله يجزاها خير فلانه ما ردت عليك ..
صح اني كلمت صديقتي ابغى منديل حتى كنت اكلمها بالاشاره عشان المتخلفه الابله ..المهم انا سكتت ما ابغى السالفه تكبر .. ونظرات البنات بالفصل تجيب المرض .. وقسم بالله تمنيت اني ماسألتها ..
طبعا عارفه بتقولون اكيد مسويه شي لها من قبل .. يعني مو من الباب لطاقه تحقد ..

فيه موقف صار لي معهاا من قبل وهي فهمته غلط ب غلط ..

انه فيه يوم من الاياام ..

قالت الي بتجيب لي معنى هالكلمه من النت لها درجه وحده بس .. انا دايم لساني متبري مني فقلت : بس !! قالت : ايه بس انتي يا فلآنه وحده مستهينه بالدرجات تدرين ان درجه ترفعك من مقبول الى جيد الى جيدجدا الى ممتاز .. وقالت مابغااك تجبين شي انتي .. واذا جبتي ماراح اعطيك شي يعني لاتتعبين نفسك .. ومحاضره طويله عريضه ..

المهم اني انا سكتت ودق الجرس وطلعت ورحت لها بمكتبها ..

ابغى افهمهاا انه مو قصدي شي .. رحت اعتذرت لها .. بس كانت ترد علي بأسلوب يجيب المرض .. المهم طنشت قلت سويت الي علي وبكيفها .. ترضى او تزعل مااهي احد والديي .. ( الحيبيه نشرت الخبر عند الفصول كلها وقالت لهم فلانه قالت وقالت -اخبار الجزيرة- ) وجت حصه لها بعد هالموقف .. قلت بشاارك معهاا يعني بصيير دفرره عشان ما تلعب بدرجاتي .. ف البدايه كنت اشارك ولا تنااظر فيني يعني كأني مو موجوده .. شااركت الين طلعت روحي قلت مافيه بنشب لهاا الين تطلعييني .. بعدين سألت سؤال ومحد عرف الاجابه غيري .. المهم انها قومتني بس مره او مرتين .. قلت الحمدلله طاح الحطب ..
وجاء يوم للجنادريه ساعدتها فيه .. وكانت عادي معااي تضحك و فله معها .. بس جاء اليوم وخربتهاا معي .. وفشلتني قدام صديقاتي .. ونص الفصل جاني يقولون وش فيها عليك ؟؟
والي يتطنزون .. وربي حاله ..
وترى قالت لي قبل بطريقة غير مبااشره .. ياا فلآنه .. تبغاني اسكت لانه صديقتي الي جنبي كلمتني .. طبعا مخلصين الدرس .. وقاعدين نكتب الواجب ..
قالت ياابناات بعدين لا تجووني تحاجوني على درجات المشاركه وتقولون ليش ما اخدت العشره .. !!
المطلووب اللحين ..
ابغى اعرف هالمعلمات شلون يتعاامل معهم ؟؟ ..
لاني وقسم بالله كرهت حياتي مع هالمعلمه ..
حاولت في اهلي اني انقل من المدرسه .. بس راافضين تماما ..
عشان المعلمات الفصل الاول مدحوني .. مالت عليهم ..
ويآآآآآآآرب فكني من شرهاا ..
( طالبة ب اولى ثانوي )