مفارشكم وملابسكم الشتويه تعالي اقول لك وين تباع اكياس التخزين اللي بالضغط في الرياض

ام وليدويوسف

10-09-2022 - 09:04 pm

السلام عليكم يا احلى واغلى خوات
موضوعي لكم مختصر بالمرره
انا بصراحه احب اكياس التخزين اللي بالضغط
تسحبي منها الهواء بالمكنسه الكهربائيه وتقلص لك حجم المخدات والمفارش
والملابس الشتويه
كلمة روعه قليله فيها
ميزتها تحفظها لك بحجم اقل
وتصلح للبنات اللي يسافرو من منطقه للثانيه تقتصد عليكم كميه الشنط
وتوفر لكم مساحه وتحفظ لكم الملابس والبلايز على كويك وترتيبك لها
طبعا الكل عارفها وشايفها بالمنتدى واسعارها خياليه
انا لقيتها بدايسو في العثيم مول اللي على طريق خريص
بجانب ماكس بالدور الثاني
قيمة الاكياس على 7ريال واحجام مختلفه ونفس السعر
ورائعه
هذا اللي اعجبني عندهم وسعره رخيص
ومره يوفر عليك مكان
ومن زمان ودي انزل لكم الموضوع لكن يا انسى يا اتعاجز خبركم وقت سبات ونوم
اتمنى يكون موضوعي قدم لكم نوعا من الافاده
الله يوفقكم ويسعد الجميع

التعليقات (9)

kah-2006

11-09-2022 - 12:02 am

الصراحه فكره روعه
يعيك العافيه اختي ام وليد
بس لو تقولين كيف تكون شكل الكيس واي قسم اقدر احصله

ice love

11-09-2022 - 01:03 am

مشكورة عززيتي

ام وليدويوسف

11-09-2022 - 02:04 am

هذي صوره واسالي الموظف ويقول وين مكانه اذكر انه اخر المحل اول ما تدخلي مع الباب وسيده على طوول الى اخر المحل هي قدامك
ومنها احجاام كثيره
يسحبي الهواء من المفرش يصير صغنون
وتضغطي فيه المخدات وتصير بالضبط مثل امخدات لما تشتريها مسحوب منها الهواء صغنونه ونحيفه
وكمان للملابس الصوفيه والشتويه حلووه والله
اتمنى تجربوها وتدعون لي بظهر الغيب ما ابي اكثر من كذا
وكل الاحجام سعرها 7ريال
انا اول ما شريت قلت يوه شكله مو اصلي ومدري شو
بس لما سحبت الهواء منه واستخدمته فضيع بصراحه مره

روحي بنتي

11-09-2022 - 03:05 am

مشكورة الله يوفقك ويستر عليك وعلى عيالك
بس اذكر فيه بنات يسبونها يقولون بعد فترة تنتفخ صح ولا لا
كم لك حاطتها ومضغوطه وماتغيرت
انتظر ردك

روحي بنتي

11-09-2022 - 04:06 am

وياليت من اي بوابه اقرب لاني حامل وما اقدر امشي

كرموشة

11-09-2022 - 05:07 am

حبيبتي أم وليد ويوسف ,,,, ربي يخليهم لك
أول ماقريت العنوان قلت أكيد زي عادة بعض الاخوات تدخلين إلا هي توصف
لك بضاعة وحدة وتقسم أن مالها فيهاعلاقة بس تبي تفيدنا بنت الحلال
لكن اتضح لي أنك غير ,,
أشكرك من كل قلبي ع حبك الخير للبنات .....

شعولة

11-09-2022 - 06:08 am

والله روعة يبغالي اشتري منها
مشكورة

ام وليدويوسف

11-09-2022 - 07:09 am

روحي بنتي
يالغاليه والله مااعرف السوق رحت له يمكن بس ثلاث او اربع مرات لكن من عند بوابه السوبر ماركت العثيم نفسه على السير الكهربائي اتوقع هذي اقرب بوابه
مشكورة الله يوفقك ويستر عليك وعلى عيالك
بس اذكر فيه بنات يسبونها يقولون بعد فترة تنتفخ صح ولا لا
كم لك حاطتها ومضغوطه وماتغيرت
انتظر ردك
حبيبتي انا لي فتره قصيره لكن اتوقع ان سوء التخزين له دور وما اتوقع انو يرجع يدخلها الهواء اذا انتي قفلتيها مضبوط وحفظتيها بمكان مضبوط
وموفقه

كبريآآء آنثى

11-09-2022 - 08:10 am

مشكوره ياقلبي ع الافاده الحلوة مثلك ,,

افضل معطر ملابس←
غسيل السجادة الحرير سريع سريع→