مكعبات الشوكلاته بالصور من مطبخى روعه

بسم الله الرحمن الرحيم
اليوم جايبه لكم حلا سهل ولذيذ وشكله روعه
اتمنى يعجبكم ولاتنسونى من دعاكم
المقادير : .......
1 بسكويت بتي بور (200 غرام)
1 كوب حليب سائل
2 كوب حليب بودر
2/1 كوب سكر
1 قالب زبده
1 قيمر
6قطعه شوكلاته صغيره (آنا إستخدمت فقط 60 حبة) على حسب حجم الصينية مالتك
2/1 علبة حليب مركز
2قطعة جبن كريمه ( استعملت الكيري ) ووضعت ثلاث فقط
قليل من القهوه الفوريه
الطريقة .........
1- نغمس البسكويت بالحليب السائل ونصفهم في الصينية المستطيلة ويفضل صف عدد 2 طبقة من البسكويت .
2- نحمص الحليب الباودر لما يصير لونه ذهبي .
3- نخلط السكر مع الزبده والقيمر بالخلاط الكهربائي ونضيفله الحليب المحمص وبعدين نسكبه على البسكويت (بصراحة آنا صار عندي جامد شوي يعني ماقدرت أتحكم في الاسكاب فأضفت للمقدار عدد 1 زيادة قيمر وربع كوب ماي).
4- نصف قطع الشكولاته على الخليط السابق .
5- نخلط بالخلاط الكهربائي الحليب المركز مع قطع الجبن لما يصير خليطا متجانسا ثم نسكب القليل منه على كل قطعه شكولاته ونرش عليها شوي قهوه .
بعدين نحطه في الثلاجة لما يجمد حتى تجمد تماما ثم تقطع وتقدم مع القهوه
ملاحظة
انا عملت الجبن بالكيري وحطيت يمكن ثلاث حبات لان العدد اللي فوق كثير مره
ويجب قطعه بسكين حاد حتى تسهل تقطيعها،،،
واي سؤال انا حاضرة،،،