ممكن تدوني رأيكم ايش الافضل للبشرة الحساسة الفتله ولا الواكس الشمع

شيلي وجهك بالشمع و اشتري مرهم للالتهابات من الصيدليه
مثل دريموفيت الأخضر مضاد الالتهابات
اول ماتخلصي شيل لاتعرضي وجهك لماء و لاتغسليه علطول حطي المرهم
أو جربي الليزر

اذا بشرتك حساسه بتروح فيها ع الفتله والشع اذا الي سوتلك وحده شاطره اوك اا لو الي سوتلك وحده اتعرف زي جارتنا سوت شمع طلع بقعه بوجهها لون بني غامق من الشمع
اشتري قص الفتله ن التاجرات وسوي بنفسك افضل او اختك تسويلك اكتبي بقوقل قص الفتله وشوفي شكله

اشوف الشمع احسن لان بعض الكوفيرات فتلته مو نظيفه

أنا انصحك ماتسوي لا فتله ولا شمع
لان أنا بشرتي حساسه وجربت كل شي ومانفع لما أشيل تعالي شوفي الحبوب كيف
وربي في ملكتي ماشلت ولا أفكر أشيل
لكن سمعت عن المشقرة يقولو تنفع للي بشرتها حساسه اسألي وشوفي
وربي يوفقك ويتمم لك ع خير

هلا اختي
انا من رأيي
لا فتلة ولا شمع
بالنسبة لي كلها عذاب+ حبوب
انا بشرتي حساسة والمشقرى ناسبتني الحمد لله
وحطيت فيوسيدين ومرة ثانية كيناكومب بعدما سويتها
وما طلع لي ولا شي الحمد لله
انا سويتها قبل المناسبة بيومين
وشوفيني دحين
قلت لا لا : ابغا اجرب شي ثاني
ويللا واسوي شمع
طلعت لي حبوب ومره مقهورة
بس يارب تروح وماتبقى آثارها
تحياتي

انا جربت الفتله شينه مره قد سويت عند كوفيره ثانيه ولاطلعت حبوب بس الحين كلما اسوي تطلع حبوب
الشمع يمدحونه
والفتله تخرب الوجه تتطلع في مسامات
الله يوفقك
دعواتك لي بالتوفيق

شوفي حبيبتي بصراحه انا افضل الواكس (الشمع) لانه يزيل القشره والطبقه الميته من الجلد وتحسين بالنظافه اكثر وحاولي الكوافيره تضع طبقه من البودره قبل الشيل يخفف من حرارة الشمع وهذا يعتمد على مهارة العامله
وبعد الشيل مباشرة تمسح بموية ورد وبعدها كريم ضد الحساسيه متل بتنوفيت او نوع اخر ماني ذاكره اسمه عليها صورة اسد من الصيدليه تقوليله انا ابغا شي ما يطلعلي حبوب بعد الشمع
ووهذا استمري عليه باليوم مرتين او ثلاث الصباح العصر قبل النوم ولمدة ثلاث ايام او اكثر وعليك بالفازلين برضو ممتاز والزبادي بالعسل وهذا عن تجربه
اما الفتله ممكن تكون اخف ولكن فيها الم شوي ومو كل الكوافيرات شاطرات بالفتله
وانا سمعت انه فيه حبوب بتساعد او تمنع خروج الحبوب ولكن هذي للامانه ماجربتها
وانا لخبرتي كمتخصصة مكياج افضل العروس تزيل الشعر اللي بالوجه عشان ملمس الوجه يكون ناعم وسلس في وضع المكياج سواء عروسه او غير عروس
وملاحضه مهمه عند وضع او شيل الشمع بالوجه احرصي على ان يكون الشمع نظيف وصافي
وان شاء الله يكون وجهك صافي وبلا حبوب او مشاكل وبالتوفيق

جزاكم الله خير جميعا ... بس صراحه احترت شكلي حسوي شمع واتكل على الله :(