ممكن تعطوني الطريقه الصحيحه لعمل المطبق

سوي المطبق بشرائح السبوسة في الفرن لذيذ وما يأخذ وقت
ادهني الصينية وحطي طبقتين شرايح وبعدين الحشوة(حمسة لحم وطماطم وكرات وبيض وفلفل اسود وملح
بعدين غطيه بطبقتين شرايح
صبي فوقها بيض مخلوط بجبن سائل
وبس

فيه عند مخابز القادسيه او غوار اوالبحر الاحمر عجينه مثل حقات السنبوسه بس مربعات كبيره تسوي الحشوه المالحه (تحمسين اللحم اوالدجاج المفروم مع بصل وماجي ويعدين تخليه يبرد شوي وتحطين عليه بيض كثير وكراث اوبصل اخضر وبقدونس مفروم وقطع طماطم صغيره وفلفل اسود وكمون )او الحشوه الحلوه(جبن ابيض وشوي جبن ساثل وبيض وسكر)او(قشطه وسكر)
تحمي الصاج والأفضل يكون تيفال وتاخذي واحده واحده من العجينه وتحطين عليها مقدار ملعقه من الحشوه وتحاولي تدهني الاطراف بالبيض اللي مع الحشوه وتصفطين الاطراف على بعض في الوسط ناحية الحشوه وتعملي اربع او خمس وتحطينهم على الصاج حقت المصابيب بالمقلوب حتى يتماسكوا ثم تقلبيهم وتحطينهم بحافظه ثم تضعين الدفعه الثانيه وهكذا
اول مره يكون متعب ولكن بعدين تاخذي عليه ويصير سهل صدقيني اذا طبقتيها صح راح تدعي لي وهذا اللي اتمناه
وبالهناء والعافيه