مميزات قاعة الفرح اللي تفضليها

السلام عليكم جميعا
موضوعي باين ولكن للتوضيح اكتر احب اتكلم عنو
اذواق الناس تختلف يعني مو شرط الشي اللي يعجب العروسه والعريس يعجب المعازيم خاصة ان المعازيم هما اللي حيقعدو في القاعه اكتر من العروسه
فحبيت عن طريق دا الموضوع انو تدوني اسماء القاعات او الاستراحات او الفنادق وليش عجبتك القاعه وايش مميزاتها وعيوبها " سعتها، تكلفتها، ممر العروسه ،مساحة الكوشه، البلكونه، الديكور ،العاملات ،والخدمات المتوفره......الخ
طبعا اي قاعه في السعودية سواء في جده او الرياض او مكه او الشرقيه اي مكان
ومو شرط يكون فرحك ممكن سمعتي عنها او رحتبها
ان شا الله اكون قدرت اوصل الفكره
وان شالله انتوتساعدوني انو نساعد كل عروسه
في ليلة عمرها او ملكتها
وبالتوفيق لنا كلنا