من ترضى

بصراحه هذول يمنون بلمرة خير ان شاء الله وش قلة الحياء هذي مابقى الا ينامون معك....خلي المفتاح معك حتى زوجك لاتعطينه...... وخليها دائم مقفوله دايم والي يبغى يزعل احسن بعد......وزوجك فهميه الوضع وان هذي الغرفة من خوصياتك...

أصلاً انتي بتكونين على طول في البيت يعني أمه ماتقدر تدخل غرفة النوم بدون اذنك، وتقدرين تطلبين من زوجك وبكل تفاهم أنه ما يعطي أحد المفتاح، أما بالنسبة للصور خلي صورج وطلبي من زوجج لو أن أخوه بيدخل الغرفة هو يقدر يبعد الصور أو يقلبها، وآنا زوجي اللي راح وكبر الصور وعلقهم في غرفة النوم بس لما يدخل أحد من أخوانه فهو بنفسه ايشيل الصور.
واما بالنسبة لأم زوجج تقدرين اتبينين لها أنج ما تقبلين ان أحد يتعدى على اغراضج الخاصة واولهم غرفة نومكم وبعد بتفائل، ومنها بتكسبين جميع الأطراف زوجج وأمه .

انا مستغربه اصلا ليش زوجك يعطي مفتاح البيت اساسا لامه
مو مفتاح الغرفه
البيت مملكتي الخاصه والضيوف على عيني وراسي يجون وحياهم الله
بس يا غريب كون اديب
اما يدخلون الغرفه ويستبحون كل شي هذي مو ميانه هذي قلت حيا وانا اختج
قولي لزوجك هذي غرفتي بس من حقي انا وانت ندخلها فيها خصوصياتنا مو من حق احد يشوفها وانت ما تخاف اخوك يشوف صورتي من غير حجاب يعني كلميه واقنعيه واذا لزم الامر وريهم غرفتج وطلعيهم وقفليها وراهم قولي اغراضنه جديده ومانبي تنهاس وتنعدم
ام بدور

اسمحيلي هاي الغلط من ريلج خلي امة تهون بس اخوانة هاي اكبر غلط انتي لازم تكلميين زوجج اصلا اشلون اهو يرضى ليش مافي غيرة عليج من اخوانة حتى لو اخوانة

بيتك مملكتك الخاصه ومفاتيح بيتك خليها معاك اذا خرجتي وهذا بيتك وقولي لزوجك اغراضي الخاصه ماابغى احد يشوفها والله يسعدك

لا طبعا ما ارضى ولكن انت مابينت السبب ليش زوجك يعطيهم مفتاح غرفتك يمكن عنده سبب مقنع
المهم مالك الا تتناقشي مع زوجك وتقنعيه

انا مشكلتي مثلك لكن انا اكثر لاني امرأة عاملة و ساعات يجيوني اهل زوجي بالاسابيع وطبعا المفتاح يكون عندهم اتخيلو كيف اعمل انصحوني انا ايضا والله الشاهد كيف اجد المنزل عندما ارجع للبيت وسخ ومكركب الله يصبرنا النصيحة ارجوكم

أنا الصراحة ما أحب هذي الطريقة و دم ظروسي الي يدخلون الغرفة و ما يطقون الباب
نبهي بطريقة حلوة و رقيقة أنها غرفة النوم و لازم مو أي واحد يدخل
و الله يعينج

هلا اختي ...
انا اشوف انه مفتاح الغرفه يكون نسخه منه معك ووحده مع زوجك .... اي شخص من اهل زوجك ماله اي حق انه يدخل غرفتك لو مهما صار لأن الغرفه فيها خصوصيات كثيره ماتبين احد يشوفها
واذا هم يمونون انتي فهميهم بطريقه ثانيه .. قولي لهم قصه مثلا عن وحده من صديقاتك وان ام وجها واخواته يدخلون غرفتها بدون استئذان وان هي تنحرج منهم والخ .... يعني قولي سالفتك على اساس انها صديقتك وراح يفهمونها
وفهمي زوجك انها خصوصيه لك ممكن امه تدخل تلاقي الغرفه حوسه ولا فيها اشياء خصوصيه ماتبين احد يدري عنها غيرك انتي وزوجك
واذا جا احد منهم يبي يدخل امنعيه قولي آسفه والله غرفتي محيوسه ما اقدر ادخلك .. ما اعتقد انهم راح يجون بالغصب
واخو زوجك هذا سالفه ثانيه وش يدخله الغرفه وش يبي ؟؟ يشوفها؟؟ يشوفها ويطلع وانتهينا
صح طولت بس عادي