منهج دولة الامارات

&&غناتي&&

14-03-2022 - 07:16 am

بسم الله الرحمن الرحيم
السلام عليكم ورحمة الله وبركاته
اخواتي العزيزات بغيت منكم مساعه ارجوكم انا مدرسه مستجده وادرس المرحله الثانويه
فبغيت مساعده منكم ومن كل وحده عندها خبره بمنهج الثانوي (( من دفاتر تحضير ... واجوبه للدروس))
اتمنى ماتردوني

التعليقات (8)

نبض الإمارات

14-03-2022 - 10:42 am

هلا غناتي
و عليكم السلام ورحمة الله و بركاته
الغالية صعب تحصلين تحاضير لمناهج دولة الإمارات في هذا المنتدى و ذلك لإختلاف مناهج المملكة العربية السعودية عنا
بس ما قلتي لنا أي مادة تدرسين ؟؟؟
...

&&غناتي&&

14-03-2022 - 11:43 am

مادة التربيه الاسلاميه
اذا كان عندج خلفيه عن منتديات ثانيه فأتمنى منج تقولين لي
اذا ماكان عليج امر

^الساحرة^

14-03-2022 - 12:44 pm

هلا غناتي....
وهلا ببنت بلادي..
لو تبين تحضير رياضيات ثانوي آمري بس..
بس للاسف دين..
ان شاء الله اتحصلين

نبض الإمارات

14-03-2022 - 01:45 pm

هلا غناتي
في تحاضير جاهزة يبيعونها في المكتبات و بأسعار رمزية
في أبوظبي بتحصلين في مكتبة قصر الهدايا ..
و أي شي ثاني غير التحاضير أنا حاضرة بدلج على بعض المواقع التعليمية ..
..

&&غناتي&&

14-03-2022 - 02:46 pm

مشكوره فديت روحج تعبتج معاي
بغيت المواقع التعليمية
السموحه الغاليه ادري اني مصخته ^^

نيران الكعبي

14-03-2022 - 03:47 pm

اختي بتحصلين تحاضير جاهزة وبعد كتب اسمها كتاب المعلم فيها طريقه مبسطة لشرح الدروس واجوبه نموذجيه لتقويمات الكتاب
بتحصلين التحاضير في مكتبه قصر الهدايا على شارع المرور مقابل البي اتش اس وبرج الغيث
اما كتاب المعلم اتحصلينه في مؤسسة آفاق التربويه للنشر والتوزيع
xxxxxxx
اتصليلهم بيدلونج على مكانهم وان شاء الله تستفيدين منهم تراني وايد مستفيده واحس صار عندي وقت فراغ كبير اقدر انجز فيه اشياء ثانيه

ميثا الحلوة

14-03-2022 - 04:48 pm

السلام عليكم
أخواتي انا مدرس مجال(1) ( تربية اسلامية ولغة عربية) ماأحد منكم تقدر تقولي اذا انا باستفيد من دفاتر التحاضير هذه؟
وجزاكم الله خيرًا

بطووطة

14-03-2022 - 06:50 pm

هلا الغاليات .............
أخيرا لقيت فراشات من الإمارات في هالموقع
الأخت نيران الكعبي ........ وين مؤسسة آفاق التربوية
وشكرا ......
وإذا في أحد عنده تحاضير رياضيات سابع ، يساعدني لو سمحتو

بنات اداره واقتصاد بجامعة الملك عبدالعزيز شلونكم مع الخطه الجديده حياكم للافاده←
معلمات الرياض لا تخيبن أملي→