مهري 30 الف

حبيبتي
حددي الاشياء المطلوبة منك ثم قسمي المبلغ عليها

اولا الف مبروك ثانيا دام ان مهرك 30.000 اشتري الاشياء المهمه بس اهتمي بملابس البيت وقمصان النوم هذولي هم اللي اهتمي فيهم اكثر شي وتقدري توفري فيهم كثير عندك الهرم وسيتي بلازا وسيتي ماكس اما ملابس الخرجات حسب اهل زوجك وكمان الفساتين نفس الشي لا تكثري لا ملابس ولا عطور لإنك ما تعلافب ايش بيصير بجسمك بعدين والعطور عندك العطور الفرنسيه الغاليه وهذي ممكن تخرب ميزانيتك فعندك عطور اجمل وفي مجموعه دهن العود من اجمل هذي مهمه لكل عروس تقربيا سعرها 175 والعطور ما تتعدى 70 ريال وروايح حلوة وتعلق اهم شي وما يمنع تشتري عطر اول ليله هو الغالي بس وفري بالكوافيرة بإنك انتي تروحي للمشغل بدل ما يجو للقصر او انك تروحي للمشغل على انك زبونه عاديه بس تطلبي مكياج مميز جدا فهمه بس هذي احسها مجازفه بس ممكن يكون حل ووحده اعرفها سوت كذا وما دفعت غير400 ريال شعر ومكياج الظاهر طبعا هذا كله حسب المشغل وبالنسبه للمصورة خوذي فوتو بس بدون فيديو والفيديو اذا عندكم بالبيت كاميرا فيديوا خلي احد من خواتك يصورك او بنات عمانك او بنات خواتك ممكن يفيدوكي هذا كله بس علشان توفري وبنفس الوقت ما تحرمي نفسك شي اما الفستان اللي هو اهم شي ممكن انك تستاجيريبدل ما تشتر ي او تفصلي هذا اللي اذكره الحين واذا في اي سؤال انا حاضرة

انصحك تاخذين من مهرك وتتصدقين فيه
عشان ربي يطرح بمهرك البركه
,,,,,,,,,

ايش بك يا حورية فجعتي البنت
كأن مهرها قليل لا يا حبيبتي ما شاء الله مهرها كويس
أول شيئ بقولك ألف ألف مبروك والله يتمملك عالخير
و يا حبيبتي أعرف بنات كثير تزوجو و مهرهم 30 ألف و أشترو كل اللي يبغوا العطور من أغلى الماركات
و الملابس خاصة ملابس النوم من نعومي و عملوا عند أفضل الصوالين
بس أهم شيئ تعرفي كيف تصرفي المهر و في أيش يعني جيبيلك دفتر صغير أكتبي في كل شيئ تبغي
تشتري بس مو معنى إنك لما تشوفي شيئ في السوق تحرمي نفسك منو لا بس تحطي الأشياء اللي تبغيها و لمن تشتري أي شيء أكتبي في صفحة تانية و سعره علشان تعرفي كم صرفتي و حطي 5-أو 4 الأف على جنب للإحتياط
و إن شاء أكون ساعدتك

عزيزتي ...
الله يبارك لك فيه ... تبين الصراحة...المهر قليل في ظل الغلا اللي صابنا ..
1- اتفقي مع عريسك ...المهر شو يشمل؟
غسالة الملابس...،...أغراضك الشخصية فقط...،...الخ
2- أهم شيء الحاجات اللي بتكون في الواجهة..مثل:-
ملابس الخروج"الكاجوال"
الأحذية والشنط.
الانجري
4- المفرش الأساسي ممكن تشترينه من النوع الجيد ..بعدين
طقمي معاه مخدات صغيرة وحركات مبتكرة.
5- ملابس النوم :-
نصيحة لاتشترينها غالية،، لأنه الرجال مايفهمون فيه ,,أهم شي انها تكون مثيرة وخلاص.
6- لاتكثرين عطور ..ولاتكثري من ملابس السهرة...
حطي في بالك اذا بغيتي شي زيادة بعد الزواج روحي اشتري معاه.
لاتنسين تكثري من الأستغفار وتتصدقين
الله يوفقك ويبارك لك ويرزقك

اختي رافا انتي تزوجتي والا باقي عروس وانا نصحتها عن تجربه انا مهري كان 50 الف وابوي زاد 15 لا ولعلمك كل شي على القد الحين الأسعار غاليه وعلى قولة المثل اسمع نصيحة مجرب وهذي وجهة نظري وبالتوفيق للجميع

انا مثلك خلصت 5000 من مرتين بس رحت السوق وقضيت عليها
بس الحين كتبت قائمه امشي عليها من دون مااصرف على اشياء مالها داعي
ومثل ماقالو البنات كلامهم صح وربي يوفقك ان شاء الله ويتمم لك بخير

وناسه حددي مين اللي كلامهم صح ؟؟؟؟؟؟؟؟؟؟