مواقف محرجه وحلوه ادخلوا وعطونا حياكم

والله فكره حلوه وذكيه جدا جدا شكلي بسويها

ههه
اما انا هل موقف مستحيل انساه((ليلة زواجي))
لمن كنت في لكوافير او خلصت تاخر عليي زوجي او كان موعدنا مع لستوديو الساعة 7ونص لين تاخرنا يتكنسل الحجز ونروح على الباي جانس.........................انزين صارت الساعة 7 ونص وزوجي ماوصل وكنت مو شايلة تلفوني معاي..قلت الى صاحبة الكوافير ممكن استخدم التلفون قالت اي تفضلي لمن طقيت على الرقم والا رقم 2 و5 خربانين في التلفون لمن قلت لها قالت اها الارقام هذوله خراب.........اوشكت ادموعي اتسيل بس خفت على المكياج شسوي كل الارقام الي بتوصلني له لازم فيها 5و2 واستحي اني اطلب من حد تلفون....................................وانتظرت الى الساعة8وربع والقهر حارق قلبي على زوجي ...لمن ركبت السيارة ماتكلمت ولا كلمة ليمن وصلنا لستوديو وزفونه اشوي لكن دخلونا قلت الحمد لله .......................... ولكن......................وش صار لنا في الاستوديو بعد ماصورنا كم صورة جاوقت الكيكة ........................................جات المصورة حطت الكيكة على لستاند واذا توها بتتحرك وله مانسمع....طا اه ه ه ه ه ه.................................الكيكة طاحت واتحطمت
اهني ماقدرت احبس لدموع والقهر.............ضليت اصارخ على المصورة ليش طاحت الكيكة او على زوجي ليش تاخر.............................................. ....................................

ههه ام غدير ياعمري كسرتي خاطري
ربي يعوظك ان شاء الله بكيكه اكبر من اللي طاحت

ههه

واو المواقف كثيره بس فيه اشياء ما اتذكرها الا مع حدث مشابه
لكن فيه موقف اتذكره صار لي وانا في ثالث يوم من زواجي
وهو اني ما ني متعوده يكون معي احد على السرير فكنت طول ما انا نايمه
بس اتململ وتقلب على السرير وبعد ما صحينا واذا برجليني على المخده وراسي في نهاية السرير
زوجي قام يضحك علي ويقول ليش نايمه كذا
عاد انا ماكنت منتبهه الا بعد ما قالي زوجي
يقولي الحين اموت واعرف ليش كنتي نايمه كذا

أم رؤى ههه ياحليلك.... وشدعوه عاد ثالث يوم
كان صبرتي شوي ههه

بنات انا لسه خطوبه فقط وزواجي باول الصيف ان شاء الله المهم المواقف
اوه ذكرتوني يوم الشبكه كنت جايبه كيكه على اساس نقطعها سواء وتصوير المهم الرجال نظرته جدا حاره طبيعته كيذا فا انا ماقدر احط عينى بعينه المهم قالت المصوره قطعوه قطعناها وبعدين قالت اكلها واكلت وقالت اكليه انتي هينا المصيبه الكبرى لاني ما اقدر احط عيني بعينه فا اخذت الشوكه على اساس احط بفمه فجاءه اسمع المصوره تضحك وهو يبعد يدي اكتشفت اني حطيتها بخشمه ههه
تخيلوا يقول لي يوم الزواج لاتحطين كيكه

السلام عليكم انا اول مرة اشارك ارجوكم انتقبلوني صديقة اماالموقف الي صار فهو ليلةالزواج دخلت الغرفة نامت على السرير ومدرت الا صرار يمشي على يدها فقامت تصرخ

انا مالجه وان شاء الله بعرس عقب 3 شهور
واذكر قبل شهر ونص تقريبا كان زوجي جاي عندنا يتعشا وانا متعوده اقعد قريبه منه بس مو وايد ..
المهم تعشينا وخلصنا وقعدنا نسولف والا اشوفه يسحبني جنبه مرره وانا ما قلت شي خليته .. المهم قعد يتكلم ويهمس لي ويلعب بشعري وانا مستحيه وما اقول له شي ومر الوقت وعادي نسولف ونضحك ليين ما جى وقت الروحه .. قمت معاه بوصله للباب بس قبل ما يروح تلفت يدور موبايله ومفتاح سيارته ودخل يده في جيب ثوبه والا شو يطلع لي .. الحلق اللي كنت لابسته له هذاك اليوم .. تفقدت اذني وشفت ان اذن وحده ما فيها حلق واستغربت كيف وصل له وانا اضحك وهو يستهبل ويقول كيف دخل هذا هنا ؟؟!!! .. عاد الله العالم كيف قدر يسرقه بدون ما احس ويسحبه من اذني مع انه كان اكسسوار مش صغير عشان ما احس فيه لهالدرجه وهو يطلع من اذني .. وغير جذا افتشلت من شكلي طوول الوقت جالسه عنده بآذان وحده فيها حلق والثانيه لا .. وانا اشوفه يبتسم كلما شافني ولا ادري شو السالفه .. بعد انا لما رحت اييب له ماي وشفت نفسي في المرايه ما ادري كيف الله عماني وما شفت الحلق .. للحين لما اذكر شكلي وانا منصدمه شو اللي وصل الحلق لجيبه افطس من الضحك على نفسي كيف ما حسيت ولا انتبهت