موضوع متمردجدا

السلام عليكم اخواتي الفراشات
فكرت وايد قبل عناكتب هذا الموضوع وانا اعرف ان كثيرات بيعارضوني وما بيعجبهم كلامي
كل يوم ادخل المنتدى واشوف مواضيع مثل كيف تسعدين زوجك او كيف اتفرحينه وكيف اتسوين ليلة رومنسية
المهم كل المواضيع تتكلم عن اسعاد الزوج
اوكي حلو.....كل زوجه لازم تسعد زوجها وتريحه وهذا كلام ما نختلف عليه
والحرمة اذا اسعدت زوجها بيسعدها
ولكن هل تعتقدون في المنتديات الرجالية
ان الازواج مسوين قسم يهتم باسعاد الزوجة وان كل واحد منهم اينزل كل يوم موضوع جديد يهتم باسعاد الزوجة
والله انا ما شفت وما اقدر احكم ممكن اندور وانشوف
والله انا عن نفسي تعبت ادور كل يوم عن اشياء جديدة عشان اجدد العلاقة الزوجية
كل شي علينا نحن الحريم
من نتزوج نحمل معانا الهموم ومرات قبل الزواج حتى هم الحمل والولادة والعيال والطبخ والبيت والزوج واهل الزوج والخ والقائمة ما تنتهي
متى بنرتاح طبعا كل شي باجره والله ما ايضع اجر اي انسان
بس والله تعبنا والله نبا اي حد ايحس في مجهودنا الخرافي
ما نبا تصفيق ولا نبا هدايا ولا نبا جوائز
بس كل اللي نطلبه كلمة شكر وامتنان واعتراف واضح وصريح من معشرالرجال انهم ما يقدرون ايعيشون بدونا ابدا
اسفه طولت عليكم ويمكن ما فهمتو موضوعي يمكن ايشوية لخبطه وكلام غريب
بس احب انكم تعتبرونها (فشة خلق) يعني وحدة طفشانة وحبت اتعبر عن اللي داخلها
وانتظر تعليقكم سواء كان موافق لرايي او معارض