موقف محرج جدا جهزتي إنت وزجك لسفريه خاصه وفجأه في آخر لحظه أمه

من واقع مجتمعي ومن تجربتي الشخصيه قررت أطرح هذا الموضوع للنقاش
تخيلي أن زوجك جاك بيوم وقالك حبيبتي وشرايك نسافر ووين ودك تروحين؟
وتقومين تتدلعين عليه ام
مشتهيه مصر لا ماليزيا لا دبي ام
وأنتي من كثر الفرحة مو عارفة تختارين
وتقررون لكم على مكان ويحجز لك زوجك بيوم مومهم طيارة سيارة المهم قررتوا عالروحه
يقوم زوجك يرتب الحجز بأحلى الفنادق
وأنتي تدخلين السوق وتتقضين لك قمصان نوم على مجموعة جسم على شموع حمام وتدخلين منتدىالفراشةوتاخذين لك كم طريقة دلع وإغراء على حركات بنات
وزوجك مره متحمس وشاري بدل للسفرة
وأنتو بس تنتظرون متى يجي اليوم وتسافرون
وبيوم السفرة يوم حجزكم أو اليوم اللي بتمسكون فيه خط
يقول زوجك بروح أسلم على أمي وأودعها
وأنتي تجلسين تكملين الترتيب وتنتظرينه
يروح الزوج عند أمه
الزوج:هاه يالغالية توصين شي ترا إنشالله بنسافر أنا و .....فرضا ....((((وجد))
الأم: وين بتروحون؟
الزوج: بنروح دبي
الأم: وشوله
الزوج: نغير جو يمه
ليه توصين على شي
الأم: لا سلامتك ولا تقول أميمتي يمكن خاطرها فالروحه ولاتسألني
ينصدم الزوج
يمه ماتوقعت تبين والسفر صعب عليك
الأم: لا أبد أبد
الزوج: ليه يمه ودك تروحين
الأم: أيه ودي
الزوج: خلاص يمه لا جيت رحنا أنا وياك مكه
الأم: لا لا وراه مكه ورا موب دبي
الزوج:خلاص تامرين أمر أوديك دبي
الأم:لا مابي أنتي ماتبيني أروح معكم
الزوج: ليه يمه تبين تروحين معنا
الأم: أنتم ماتبوني
الزوج:وشدعوه يمه تبين تروحي
يله قومي أجهزي
وتقوم الأم وتجهز الشنطه
ويدق الزوج على ((وجد))
حبيبتي
وجد: هاه حبيبي جيت
الزوج:حبيبتي هما
أمي بتروح معنا
وجد:وشو
وشتقول
الزوج:أمي بتروح
وتنصدم البنت وتسكت
وتجلس محتارة وغرقانه بدموعها
تهون ماتروح ولا تروح وماتكبر المشكلة
وتروح وجد
لغرفتها وتجهز شنطتها من أول وجديد
تطلع قمصان النوم وتطلع التنانير القصيرة وتطلع مجموعات الجسم
وتحط جلابيات
وبجايم
لوكنتم (أنتم) في هالموقف
كيف بتتصرفوني
وبأمانه
أختكم وجد
منقول