مين جربت مستشفى سعد لعمل الانابيب

والله انه اللحين على مواعيد بتلقيح الاصطناعي وهي بس دكتوره وحده والباقي دكاتره
الدكتوره اسمها سهام العكوم
والله يسهل عليك ويوفقك ويرزقنا يارب بالذريه الصالحه

اختي الغاليه هاذي الدكتوره سهام ممتازه راجعت معها وحده من خوياتي وتمدحها مره والحين خويتي والده بتوائم اولاد
اتمنى اني افدتك

مشكوره خواتي بس حبيت اعرف كم تكلفتها لان دائما اسمع اسعارهم مرتفعه

اهلين اختي ...
انا هذي المحاوله الثانيه في سعد الاولى للاسف مانجحت الله يعوضني في الثانيه ...
المستشفى جدا مريح والدكتوره سهام رائعه ....
التكاليف العام كانت فوق العشرين الف السنه هذي مسوين تخفيض ب 11 ألف من غير الابر والمراجعات ...
فيه عندهم اكثر من دكتور شاطرالظاهر احسنهم كمال الاتربي بس الدكتوره سهام ماعليها قاصرلكن سبحان الله كل شئ بيد الكريم ....
طبعا اول زياره تطلب منك الدكتوره تحاليل وعادي تسوينها في اي مستوصف حتى التكلفه اقل .... تسوي سونار على الرحم والمبايض وتاخذ مسحه من عنق الرحم اذا كل شئ تماام تبدى معاك كورس الادويه ....
عموما المستشفى مريح وتعاملهم راقي وفيه كثير اعرفهم نجحت عملياتهم على انه حالاتهم صعبه ....
هذا اللي في بالي اللحين ...
واي سؤال اي سؤال يطرى عليك لايردك الا الكيبورد ....

مشكوره سديم الدكريات انتي مسويه طفل انابيب وكم الدخول على د سهام اسمحي على التدخل انتي ليش امسوي طفل انابيب بالنسبه لي لان قنوات فالوب تم استاصلاها بسبب حمل خارج الرحم 3مرات

انا اللحين توني باديه في الابر التحضيريه وخلال هالشهر بسوي العمليه دعوااتك....
الدخول على سهام ب 200 واذا راجعتي خلال الاسبوع مره ثانيه تدخلين مجانا
وانا مافيه سبب يمنع الحمل وعندي بنت حملت فيها طبيعي ولانه العمر يجري اتجهت للانابيب من العام الماضي...

مرة قريت خبر عن زوجين اجانب كل ماجابوا طفل يموت
ومستشفى سعد هو اللي اكتشف الحالة الوراثية اللي تخلي الطفل يموت
وسواا لهم طفل انابيب وجابوا بنت وعاشت لهم
من هالقصه اتوقع انهم كويسين بس اسعارهم غالية شوي
بالتوفيق يارب
وليه ماتجربي بالبحرين ارخص
انتي كنتي تسالين عن البحرين من قبل
والنجاح والفشل بيد رب العالمين
اللهم صلي على محمد و آل محمد

مشكوره مشتاقه والله ياختي انا في حيره من امري والله اعين على الي احنا فيه