مين سمع عن خلطة الكثيره

ليالي الود

11-01-2022 - 03:59 am

اخواتي انا رحت اليوم للعطار ولقيت عنده خلطة الكثيره لتنعيم الشعر ومعها زيت الارقطيون وقال لي زينه
مين سمع عنها او استخدمها؟؟

التعليقات (9)

دلوعة الشرقية

11-01-2022 - 07:29 am

هلا والله ....... ياليالي الود
بصراحة مثلك احد الايام رحت للعطار أخذ منة زيت دابر وسئلتى عن قيمة زيت الكثيرة
وتعالي سمعي... هذة ماما زيت واجد حلو انتي في شوف جرب اذا مافي ينفع في راجع وياخذ فلوس مال انت
هذة ماما يطول شعر ويكثر ........
سمعت من اقاربي انة زين بس عمري ماجربتة كنت ابجربة بس تراجعت ........ وياكثر الزيوت الي جربتها
بس مشكلتنا الصبر ...... مافية صبر نبي حلم ليل على قولتهم بلمح البصر يطول شعرنا ويكثرة .......

ليالي الود

11-01-2022 - 08:30 am

اختي انا بعد سمعت عن الزيت ويمدحونه وانا جربته لكن على قولتك محد يستمر
بس اللي اسأل عنه هو خلطة الكثيرة لتنعيم الشعر

*_غيدو _*

11-01-2022 - 09:31 am

عزيزتي انا سمعت عنه
بنت اختي شعرها ناعم بس مره ملفلف كأنها عاملة فير
استخدمته لها ومره فرد شعرها وبصراحه كتير عندنا جربوه
وبيمدحوا فيه ......

ليالي الود

11-01-2022 - 10:32 am

اختي غيدو ياليت تتاكدي هي الخلطه اللي استخدمتيها جاهزه ومكتوب عليها خلطة الكثيرة ومعها زيت الارقطيون؟

سارة كل الدنيا

11-01-2022 - 11:33 am

بالله يابنات انا بعد ابي اعرف عن الكثيره بصراحه يمدحونها ويقولون انها تطول الشعر وتكثره
بس ابي اعرف شلون شكله وكيف طريقة استخدامها ارجو الرد علي ضروري اللي تعرف
تحياتي لكم

123roro

11-01-2022 - 12:34 pm

الكثيرة حلوه مرة للشعر
الكثيرة تأخذينها من عند العطار وهي لونه ابيض
استخدامها تأخذين شوي منها وتحطينه في كأس زجاج كبير شوي وتحطين عليها ماء الين الصباح وتصبح مثل الكريم ثقيلة وحطيها بعدين على شعرك مدة 3 أو 4 ساعات وغسلي شعرك عادي
بس الله يعينك على الريحة بس والله رهيبه تخلي الشعر ناعم وتكثر الشعر

أم سلطان_9999

11-01-2022 - 01:35 pm

السلام عليكم ورحمة الله وبركاته
ممكن أخواتي تسمحو لي أشارك
الكثيره هي ماده صمغيه
عند العطارين حب أو بودره او حتى فرد أو زيت
الي على شكل حب أو بودره جربته لبنتي
كان شعرها خفيف مره من الأمام خفيف كثير
انقع الحب بماء حار ليلا وفي الصباح أو الظهر أخذه وأخلطه
بشوي زيت أي زيت
وأخليه 4_6ساعات وأغسله عادي
كل أسبوع
والحمدلله النتايج حلوه
ربي يطول شعوكم ويكثفها

بنت الثمامه

11-01-2022 - 02:36 pm

السلام عليكم يااخواتي والله انااستخدمت الكثيرا ولاكني قطعتها لانه طلع لها مقال كبير في جريدة الرياض يفيد بانها تسبب الاورام الخبيثه تقريبا قبل العام ولانه لازم تستخدمينها على طول او تودي للتساقط عند تركها

عين الحياة

11-01-2022 - 03:37 pm

انا كان شعري كثير وغزير ماشاء الله لدرجة انه ماتكفي كوافيره واحده تسشور شعري لازم اثنيين وسمعت عن الكثيره من زميلاتي بالكليه ومدحوها ليا واستمريت عليها شهرين والان شعري زي \يل الفار والله اني صلعت منه وقصيت شعري والان الحمد لله رجع شويه والله اني اكره الكثيره شعري طاح بسببه عن تجربه والله يابنات انصحكم لاتسمعو كلام الناس زيي

وصفه هنديه لا تفوتكم←
كوين هير→