مين معه الحق صديقتي ام زوجها كيف تتصرف

مرحبا بنات كيفكم شو اخبارك
كتير حلو منتداكم صراحة مشاركاتي قليلة بس عنجد بحب اقرا كلامكو ولازم كل يوم اشوف مواضيع الحياة الزوجية بالزات
كنت بحكي مع صديقتي عالمسنجر وهية تحكيلي كل اشي في حياتها من ايام صداقتنا في الجامعة
كل شيء قبل الزواج وفي الخطوبة وبعد الزواج و كل شيء خاص
المهم هية الان في كندا وكلمتني زعلانة عالمسنجر ومنرفزة
هية اصلا هاجرت هناك لتنفرج ظروفهم السيئة جدا وفعلا تحسنت الحمدلله ماشاءالله
ولكن اخر فترة بيمرو بظروف سيئة شوي وزوجها مضغوط نفسيا
هية كتير منيحة ومش مقصرة معاه ابدا لكنها قبل الهجرة في بلدها كانت مع الظروف سيئة معه
فكان كتير يطول لسانه وهادا عيبو الرئيسي والمشكلة سبحان الله ان فلت اللسان مرة ماينضب ابدا ويتعود
يكون موقف تافه بس يطول لسانه لانو يكون مشحون منها من قبل ومقهور فتصير تراكمات
لكن الان خلص هما سمن على عسل و من لما تحسنت ظروفهم وهية فلة معاه وبطل ينرفز او يسب عليها
هوة انسان منيح لكن الدنيا احيانا تضغط عالانسان وهية نقطة ضعفه الوحيدة فلو كانت مروقة ومدلعاه تلاقوه مبسوط
والعكس صحيح
المهم اليوم قاعدين راح بمزح معها مزحة معفنة صراحة ههه انا بس ماقلت هالحكي بوشها لحتى مااحرضها عليه
بقلها شو رايك اتجوز وحدة كندية تمشيلنا امورنا زواج مصلحة
وصحبتي صارت هيك
تقلو هي اخرتي تحملتك انت وقرفك و ... دمعت عيونها وخلص
قلها اخص عليكي تسدقي انت حياتي وراح حضنها وراضاها وقلها بلاش هبل انا بس بمزح معك وبستفزك وانت سدقتي
وحلفلها انو بمزح وانتهى الموضوع من عنده وهية ضلت مقهورة وتبكي
راح كمل اشغالو في البيت وهية ضلت مولعة من جوة وتفكر كيف بس تفش خلقها فيه
راح بعتتلو ايميل تقلو انت كزاب وهادا الي بدك اياه وبس بتجس نبضي اخص عليك وازا بتعملها بتركك وبرجع لاهلي هادا الي ناقص تستهبل عشان تحقق الي في نفسك وبحجة مصالحنا اخص
واسطوانة بهدلة من هالنوع
وراحت تعمل غداوالا طلع الاخ بتقول منرفز كتير والمشكلة مو النرفزة
الالفاظ الي حكاها
وسخة عنجد وصحبتي لما قالتها انصدمت اصلا كيف قالتها وتجرات بس لانها ماخدة علية من زمان وتقول ادق تفاصيل حياتها ولو في مشكلة في العلاقة الخاصة تيجي تقلي
الالفاظ في بعض منها الي مقدور ينحكا(يلعن وشك
ماتيجي غير بالبهدلة لازم كل فترة اعملك مشكلة وبهدلة عشان تحترمي حالك
كلبة كل هادا عشان مزحنا مزحة تافهة زي وجك
)
والالفاظ الباقية حطو بدالها الصافرة الي تطلع في التلفزيون يوم ميكون في الفاظ غير لائقة ههه
توت
انا فتحت تمي وصرت هيك لما شفت الحكي
ولكن مسكت نفسي واعترفتلي وقال زمان كان كل مسباته هيك بحجة انو انا دايما عاملاله نرفزة وتعصيب ومانتصالح الا نتخانق تاني
بس المرة مالو حجة غلطت يعني عادي مو لهدرجة ومابستاهل الكم الهائل من الالفاظ بس لسانه عمرو مايتعدل وصارت تدعي عليه وتقول فكرت لما اكون كويسة حيمسك نفسه بس الظاهر عمرو ماينعدل
وانو اخر مرة سب عليها من فترة طويلة شوي ولكن ليش رجع اليوم كنت فرحانة ومفكرة خلص هالطبع راح لانو اسوا طبع فيه وجارحني كتير وبدعي عليه كل مرة اتزكر مسباته
قلتلها عشان ظرفكو واكيد مضغوط قالت وانا مفرودة منا مضغوطة كمان
بس مايحقلو وصارت تدعي عليه
وعملت الغدا كان زاكي و معتبر وجابلتو صحن حلو مع انو بتقلي كانت نفسها تعملو اكل مقرف بس استعاذت بالله وعملت اكل منيح وراحت
قام قلها الله ينكد عليكي
راحت طبعا سكتت ودعت عليه لما داخت بس مش قدامه
وهية الان بدها تنجن
قلتلها تاخدي راي البنات في منتدى وهيك حكت طيب خليه ينفضح عالاقل ههه عبالها زوجها شخصية مشهورة
لا والمشكلة زمان لما يتخانقو كانو كل واحد ينام بناحية بعدين اتفقو يبطلو هالطبع السيئ
وفعلا بطلوه
بس بتقلي الان حبس نفسو واخد الاغطية ونايم لحالو
وهية بتقلي مالي خلق اشوف منظرو وتتحسبن وتدعي عليه من قلبها
بقلها راضيه وبعدين احكي الي بقلبك راحت نرفزت وقالت اسكتي لحسن اعملك بلوك انت كمان وزعلت
تقلي ماخلالي مجال اراضيه ولااشوف وجهه حتى بعد الي حكاه لو انو زعل زعل وتعصيب عادي كان بس طولة لسانو الله يجازيه عليها
والان نترك المايك لكن يافراشات وكل وحدة تدلي بدلوها