نحفت 8 كيلوو تبين تعرفين شلون حيآآآآآك

السلام عليكم ورحمة الله وبركاته
شخباركم حبوبات ؟؟
حابه اقول لكم اليووم قصتي مع السمنه من اول الى الاخر
انا يوم كان عمري 14 او 15 كنت سمينه << الحين 20 << العمر كله ان شاءالله << ههه
المهم كان وزني 73 كيلو وبعد فتره تعبت من كليتي ف صرت اخذ ابر وخرابيط ون حفت من التعب
صار وزني 62 تقريبا تشققت من ال وناسه نحفت من غير رجيم ههه استغفرالله بس لا ارجع اتعب ثاني خ
المهم بعدين صار وزني خلاص 65 او 66 وثبت وزني بطريقه مو طبيعيه الحمدالله ..
نظامي بالوقت الي ثبت وزني فيه .. اني كنت اكل طول اليوم وربي يابنات اكل طول اليووم ..
اجلس معاهم ع الغدا اكل شوي .. مو متعمده ابدا .. بس كذا معدتي صارت صغيره .. اكل قوولي 5 او 6 لقمات ويوه احس اني بموت شبعانه ..
ف اقووم عن الاكل .. لاكن وربي ما اخذ ساعه الا انا جوعانه @@
ارجع اكل اي شي عندي .. وبعد كذا ساعتين اجوع وارجع اكل ..
يعني كان نظامي اكل طول اليوم بس بكميات مره صغيره ..
المهم مو هذا الي نحفني هالمره بس حبيت افيدكم لانها طريقه روعه وتقريبا رجعت لها ثاني .. بعد من غير ما اتعمد بس جسمي تعود ع كذا..
المهم زي ماقلت لكم ثبت وزني كم سنه يمكن 3 او 4 سنين الحمدالله ..
وفجأه في صيفيه وحده الي هي 3 شهوور او 4 شهوور ..
زاد وزني بشكل مو طبيعي وصلت لوزني الساابق 73 او 74 .. تأزمت مره .. جربت اكثر من رجيم ماقدرت .. اخربطه من اول يوم ..
كنت مشحوفه نفسيتي مفتووحه مره للاكل .. اشتركت بنادي .. يترتب جسمي انحف كيلوين او ثلاثه وارجعهم احيان ..
المهم من ام قوولوو 4 شهوور .. دخلت منتدى كويتيات لقيت دكتوور تغذيه مشهوور واصف حق كل البنات تقريبا الي يجوونه .. حبووب تسد الشهيه..
لقيت اكثر من وحده حاطه تستفسر اذا في احد جربها قبلها ومن هالكلام
ف صرت اسووي بحث فتره طويله .. قريت عن هالحبوب بالنت مواقع عربيه واجنبيه وشفت باليوتيووب واحد مستخدمها كان دوب و نحف مره ..
المهم مع البحث لقيت وحده ف الرياض "الله يعطيها الصحه والعافيه و الله يجزاها كل خير" واصف لها دكتور تغذيه هالحبووب.. وزادت عندها علبه ف شريتها من عندها ..
وبديت استخدمها .. سدت شهيتي من اول يووم .. وهالشي يختلف من وحده لوحده .. في ناس من اول يوم تسد شهيتها وناس من بعد ثالث يووم او رابع بالكثير ..
اول ثلاث ايام حسيت بدووخه وارجف وحومة كبد ومن هالسوالف .. بعدين خلاص راحت الاعرااض مع ان فييني انا فقر دم .. والعوارض تختلف بعد من شخص لشخص..
المهم استخدمتها اسبووعين نقصت تقريبا كيلوين ونص وتركتها اسبووعين نقصت في هالاسبووعين الي ما اخذت لحبووب فيها تقريبا 3 كيلو او 3 كيلو و نص .. يعني نقصت 5 او 6 كيلوو تقريبا في اقل من شهر او شهر بالكثير .. ماشاءالله تبارك الله << العين حق
وهالشي بعد يختلف من جسم لجسم .. صديقتي جربتها نحفت عليها ف البدايه كيلو او كيلوين في شهر .. وبعدين بدت تنحف كيلووين بالشهر .. وبعدين كيلو ونص مثلا ..
المهم ان احنا ننقص واحنا مرتاحين .. تجيك ايام ماتتحملين تاكلين ولا شي .. واحيان تثقلين مو مشكله .. انتي اساسا طول الوقت بتحسين مالك خلق تاكلين ..
و عن تجربه اذا حسيتي وزنك ثبت فتره .. اتركي الحبووب يوم او يومين وخربطي بالاكل اكلي ثقيل ع شان تكسرين التخفيف وبعدين بترجعين تنقصين ..
بس لازم تغصبين نفسك ع شان ماتدوخين ... لو تاكلين اي شي ..
انا ايام ماكنت اخذها .. عادي اكل من برا .. بس ماقدر اكمل الوجبه ..
اكل مثلا شويه من البطاطس واكل نص التشكن برجر مثلا واشبع مره ..
ف اترك الوجبه ما اكملها .. لان لو ظغطتي على نفسك بالاكل بتحسين يع ثقل ع قلبك ..
وضرووري مره انك ماتاكلين اكثر من طاقتك ع شان معدتك تصغر وتصيرين تاكلين قليل وهذا الهدف من السالفه كلها ع شان تنحفين . .
المهم صرت اخذها مثلا اسبووع ايه و اسبووع لا .. او 3 او 4 ايام ورا بعض واتركها اسبووع ... والحمدالله لين الحين نحفت 8 كيلوو .. وصلت 67ونص ... "ماشاءالله تبارك الله "
ولسى ناويه اوصل 63 ان ربي كتب .. اي و صح انا ما ستخدمت الا علبه ونص تقريبا في 4 شهوور او 3 شهور تقريبا ..
مع ان العلبه تكفي شهر بس .. لاكن انا زي ماقلت لكم ما اخذها كل يووم ...
المهم اني اسوي رياضه مع الحبووب .. مشتركه في نادي عالمي اسمه " كيرفز " مره حلو ابحثو عنه بالنت ..
اسم لحبووب " ماكسي سليم _فورت " الأمريكي هو الاصلي
وصرت اخذها من حرمه بالريااض الله يعطيها العافيه .. توصي تجيبها كل فتره وفتره ..
لان مافي منها بالسعووديه .. بس في منها بالكويت .. ودول الخليج الباقين ماعرف والله ..
الحبه تنووخذ حبه وحده باليووم قبل الفطوور بنص ساعه وبسس بعتين تاكلين الي تبين .. اذا قدرتي خ ..
ام هذا الي في بالي الحين و اي سؤؤاال حياكم واذا في احد يبغا رقم الحرمه يقوول لي و الي يبغا يطلبها من امريكا برااحته ..
موانع استعمال الحبووب .. السكر .. الضغط .. الحمل ..
وانا وديتها حق صيدلي ووديتها حق دكتور كلهم قاالو اووكي ..
المهم اني وصلت لكم تجربتي ع شان تستفيدون منها ان شاءالله .. بس تكفون اذكرو الله .. ترا مانحفنا بالساهل ..
و اللي تنفع معاها الحبووب وتنحف ما ابي منها غير تدعي لي
ان ربي يووفقني بحياتي ويحقق لي الي ف بالي
ويخلي لي الغالين ع قلبي ولا يفجعني فيهم يارب
وانتظر اسألتكم .. برب ..