ندمت ا ومابغاكم تندمون مثلي اخطائي بزفتي عشان تتفادونها ا

1. بدون مقدمات


2. 5ام اعصر مخي

سلام

بدون مقدمات

مهما خططتي وفكرتي وبدعتي لزفتك بيصير شيء مخالف لتخطيطك اوك اوضح لكم بنقاط مختصره للفايده
1- اول ماوصلت القصر على طول لبست فستاني واكسسواري وعلى طول تشك تشك تصوير وكل الصور الي قبل الزفه اكس ماخليتها تحمضها لما رحت اختار صور البروفه لانها تصورني مثلا اتفقنا على 40 صوره تصورني دبل عشان يكون ليه حيرت الاختيار وعشان لوخربت صور يكون في بديل صور كثيره وعشان الاستديو طماع يخليكي مثلا اخترتي 40 صوره ومتفقه لما تشوفي الصور الثانيه وغالبا فيها حركات واكسسوارت تقومين تزودين العدد والربحان الاستديو ويله كل صوره بمبلغ لذلك خليكي بس على العدد الي حددتيه لها الا اذا كان عندك فلوس زايده ودك تزودين هذا شيء ثاني ولاتنسون الصور الخارجيه امك وخواتك والي يمنون عليك يعني انا مثلا اخترت 4- صوره ومن ضمن الاربعين حطيت صوره عائليه كل اهلي وخواتي فيها ماخليتها تحسبها بسعر لحال اما صوره وحده من خواتي حسابها لوحده لانها خارج الاربعين صوره وكذلك صورتين اخرى خارجيه ودفعت سعرها وبث
2- لالالالالالالالالالالازم توصين احد من اهلك يوم العرس وقبل الزفه يقوي قلبك ويقولك لاتخافين عشان لاتخرب صورك ويخرب الفيديو عيشي يومك وعادي فليها ههه هذا وجهي اذا احد ذاك اليوم عطاكم وجهك سوااء من اهلك ولااهله العالم مشغولين انا مثلا كنت مسويه حركات بزفتي وربشتهم معاي وخليت الي تروح تودي الشريط للمطربه عشان تشغله وبفلوس طبعا 500 ريال القاعه مافيها مكان لتشغيل الشريط والاخت الثانيه تدور اللمبات تطفيها والي راحت تشيك على الوضع قبل الزفه والي راحت تزبط لي الحركات حقتي بالبكونه وانا قلبي طربق طربق طربق وارتجف رغمني فله وجريئه واجتماعيه بس اختبصت خبصه فيني بكاء واقاوم اقول العدسات الرموش المكياج بيروح فيها واحس العالم تناظرني كني جاايه من عالم ثاني ههه الزبده نكمل تبون تعرفون فكره زفتي نزلتها بموضوع مستقل اسمه زفتي بالتفصيل
3- قبل لاطلع للناس محد والله من خواتي حولي بلشتهم وارسلتهم يزبطون الوضع قبل لااطلع ماحولي الااخت زوجي الله يسعدها ويرزقها بالزوج الي يسعدها وقفت جنبي وقفت رجال الله يحفظها يارب وطلعت الدرج طربق طربق قبل لاطلع للناس وكنت خلف الباب المهم ارجف جااني بلاء صابني بلاء حسيت بتوتر وخوف ليش مانمت وقلقانه وتعب موب طبيعي ودي بمخده وانام واسحب على العالم ذول وابغا انزف واهج لغرفتي اتصور بروقان وجةةةعانه والله ماكلت الا ساندوتش ذاك اليوم الصبح انواع الدوخه والتصوير وقفي سوي كذا طالعي كذا امسكي كذا اجلسي اوقفي ميلي كذا اوف التصوير يبغاله وحده مصحصحه ومخها فاضي ولاوحده تعبانه تقاوم وتجاهد نفسها والله نهايه التصوير انثبرت على الكرسي وخليتها تنفش الفسنتان كني واقفه وتشك تشك مو واضح اني جالسه دخت دويخه صغيرونه بسيطه ههه بعدين ام كل شوي خلوا احد يزود لك روج بودره يعني يكون منتبهه لوجهك لتاجك ليحوص يمين يسار ام وش بعد ودي اقول لكم كل شيء غلط تتفادونه
4- نامي لو تاخذين حبوب ولااي بلوه المهم ارقدي غصب عشان تكوني رايقه ومستانسه مو طفشانه ومتوتره واوف تبين العرس يخلص وبالك مع الكوشه والزفه والتصوير والدخله اوف قلق
تهون ترى طنشوا عاادي ههه
5- اشربي عصير ماي كلي غصب كلي ترى مريت بالوضع الجوع شين ذاك الووقت تدوخين ويبلشون بك اهلك
6- نبهي على المعرس لايحوسك وانتي ماخلصتي زفتك وتصويرك اوك عشان ماتتوترين
7- نبهي على المصوره وعلى خواتك ان المصوره تطق لك صوره وانتي بالكوشه نبهتها ومع الحوسه ماصورتني انقهرت تصورت بالكوشه فيديو
8- اذا زواجك بقريه بمعنى اصح بديرتكم اهم شيء الحريم قبل الزفه قولوا للمطربه تقول الحين وقت الزفه ياليت الي جنب الممر يلبسون عباياتهم او تقول البسوا عباياتكم زفه حتى لوزوجك موداخل معاكي ترى بعض المصورات ثورات تلقط صور الحضور والي جنب الممر ونبهي المصوره لذي النقطه قولي التصوير يكون بس عليه انا انتبهي ماابغا يطلع احد بالتصوير الا اذا كان امك اختك لالالالالالالا لانه زوجك بيشوف التصوير الفيديو
9- البزران خلوا احد يجيب خيزرانه ويطيح فيهم ضرب لانهم همج طلعوا كم بنيه صغيره بالتصوير وجع رفعوا ضغطي الغلط مني ماوصيت امي تسيطر تطردهم على فكره انا بجده وزواجي بديره اهي اهي
0خلي اللمبات مره طافيه عشان ضوء الكشاف قوي عشان لاتلقط المصوره بالغلط صور المعازيم خليهم بظلام دامس خله ههه
11- لا تكوني بالزفه ابتسامات وبوسات وتميلين جسمك ولاتتصعنين لالالالالالالالالا ان ابتسمتي كثير وزعتي ابتسامات قالوا مطفوقه ماصدقت تعرس ولا جريئه وغير كذا تروح هيبتك ورزتك ولاتكوني مكشره وعاقده حاجبك كنك مغصوبه على العرس خير الامور وسط ابتسامه خفيفه نظرات دلع بس اول ماتدخلين لا خليتس رزه لاتبتسمين الروج ترى احتمال يلصق باسنانك يطبع ههه انتبهي لاتاكلين لبان
12- اذا حسيتي صعب تمشين خلي امك تساعدك برفع الجيبون شوي شوي وصندلك ليكون كعب مره كنك ناطحة سحاب لاتنسين التسريحه مرفوعه ولاتكوني اطول من زوجك
13- الي وجهها نحيف تسوي تسريحه الشينيون سويتها تجنن وربي زوجي وكل من شافني وشاف صوري وبالزفه وانا بالموشه تسريحتك تهبل لانها اعطت وجهي استداره ومابان نحف وجهي وسوت رفعه من قدام ناعمه مره
4- دخلت بقناع ياخذ العقل وربي يهبل ومن غبائي امي موصيتني اخليه لين اوصل للقفص بعدين اشيله دخلت شويتين وشلته قالت امي دافعين تامين وايجار وشوي وشلتيه لان امي كانت تبغاني اقرب من طرف البكونه ويكون قريب للناس يشوفونه اوضح رغمنه كان واضح لمعته ماشاء الله قويه
15- لاتطولين وانتي بالكوشه بعض البنات الناس تروح للعشاء وهي مبلطه بكوشتها كنها من الحضور صاحباتك تبينهم خوذيهم لغرفه تصويرك يعني خلي اغنيه بشريطك يرقصون عليها لاجلستي بالكوشه الاغنيه الثانيه تغنيها المطربه يرقصون بعدين الاغنيه الثالثه اخرجي عليها
16- طفشوني الحريم بغيت ابكي كل شوي اوقف تصوزيري بالفيديو وانا بالكوشه حاسوني العجز يسلموون علي ماجلست زين ويله سلام وحده ورى الثانيه عادي يسلمون بس الله يهديهم لو اصبروا شوي اقلها احلل قيمه الفيديو الي صكتني به الفين يلهوي لاني خارج جده عمى بعينهم وبس ااشر لها بيدي المصوره يعني استوب وقفي اخر شيء قلت شكل الدعوه مطوله قلت بس خلاص وقفي وقفت وجلست وسلموا وخرجت ورحت اكمل تصوير وتذكرت ماصورت كوشتي فوتغراف قلت روحي طيران صوريها وتعالي قالت مدام هزا كثير حرمه بالكوشه وكثيرا بزوره قطع ورد اخ بعدين قلت وانتي ليش ماصورتيني ماني مصويتس وبس قهرتني بنت اللذين وكوشتي وربي تهبل بشهاده الي شافوها
7لاتخلين مده الزفه طويله ويملون الناس يعني ربع ساعه 2- دقيقه معقول
8-حصني نفسك اقري قران روقي تعوذي من ابليس صلاتك صليها اوك
19- وانتم تتصورون لاتفكون الباب للناس الي جايه تبي تسلم ههه لانه بتفتحون على نفسكم باب وبيروح الوقت عليك
0اذا كنتي ماتبين تصورك صور جريئئه وصيها
1كوشتك مسكتك مكياجك طاولات القاعه خليهم متناسقين
22- مكياجك وتسريحتك كل ماكانت ناعمه برزت جمالك وخلاتك جذابه كل ماتكلفتي وحطيتي تسريحه دفشه ومكياج ثقيل بيطلع شكلك كنك كبيره بالعمر وبتختلف ملامحك ماكنه انتي المكياج السموكي روعه
3خلي عطرك جاهز تعطري قبل الزفه اوكشين
4لاتنسين اظافرك ورموشك ومناكيرك واشياءك الخاصه وشريط الزفه كل شيء جهزيه من بدري وخليكي انتي بنفسك تشيكين لاتعتمدين على احد اوك

5ام اعصر مخي

6دعواتكم ليه بالحمل العاجل ان شاء الله والذريه الصالحه يارب ويارب تتيسر امورك ويجعلها ربي على قلوبكم بردا وسلاما
27- اهم شيء موزفتك ولاكوشتك ولامكياجك ولالالالالالالالالالا ولالالالالالالالالالالالالا اهم شيء التوفيق اذا ربي وفقكم بتستمر علاقتكم وزواجكم واذا ربي ماكتب التوفيق بيكون الطلاق والمشاكل بينكم الله لايقدر لاعليه ولاعليكم هذا الشيء
بخوفكم شوي عشان تدعون لنفسكم بالتوفيق وتقولون يارب اني استودعتك نفسي واهلي وزوجي ومالي انت وحدك لاتضيع ودائعك ادعوا ان ربي يسخركم لبعض واطلبوا دعوه الماما
والله اني مسافره اليوم لمدينه معينه لذلك جاء الموضوع ببالي وقلت والله مابخل عليهم بالنصايح وربي حاسه فيكم لاني مريت بذا الشيء بس الحمدلله يارب والشكر ماشاء الله تبارك الله وصوري والفيديو كله طلع روعه زواجي طلع روعه وكوشتي وكل شيء بس في اغلاط ضايقتني بث الي راح راح يارب اروح وارجع بالسلامه يارب سهل دربنا يارب الخميس 27-11-1431