نزلت 4 كيلو بهل الاسبوع

1. وأخيرا قررت انه حان الوقت للريجيم القاسي

والله مو مصدقة الفرحة اللي وصلتلها كنت نحيفة وقوامي روعة وزني 52 لحد ما اتزوجت وصار عندي أربع أولاد طوال الحمل وبعده صرت انحف ..... بس هاد النحف اخذ كل جمالي ...وكنت حاسبة حالي إني إنسانة مابعرف للسمن مكان بحياتي وفجأة بدت الأمور تاخذ مجرى معاكس وبدى الوزن يزيد من نحيف جدا حتى اسمن وأحلى واسمن وأحلى واسمن وأبشع وأبشع حتى صار وزني 64 كيلو علما أن طولي 150 يعني صرت إنسانة تانية مافي خصر والبطن متل الحامل 5 شهور والوجه منفوخ وحالة ...لما شفت حالي بالمراية واكتشفت انو كل ملابسي صغرت بشكل رهيب والأرداف كبرت وصارت متل البالونات... قلت لا وبديت بالريجيم وشوفو من 64 حتى 57 كيف انزلت...
أول مرحلة تركت كل الحلويات ونظمت الوجبات ونهيت تناول أي شي أثناء الوجبات خلال أسبوع نزلت كيلو
تاني مرحلة نسيت الفطور واكتفيت بفنجان نسكافيه وصار الغداء لوقت متأخر حتى الساعة 7 المساء وانتهى الطعام يعني وجبة وحدة باليوم بس من الأكل العادي مو دايت وبالكمية اللي تحبي نزلت 2 كيلو خلال 10 أيام

وأخيرا قررت انه حان الوقت للريجيم القاسي

المرحلة الثالثة خلال أسبوع فطور فنجان نسكافيه محلى بنصف ملعقة عسل وانتهى ثم لا آكل شيء حتى المساء اما لبنة و2 توست أو علبة طون مع خيار وبندورة أو زبدية لبن مع خيار ونعنع أو بيضة مع خبز اسمر وخيار وبندورة ونزلت 4 كيلو وهلا أنا بدي كمل ان شاء الله لأوصل لوزن ال53 وحاج إنشاء الله
ملاحظة أنا بشرب كاسة ماء على الريق الصبح وبعدها كاسة ماء فاتر فيه ملعقة خل تفاح طبيعي ونصف ملعقة عسل وبعدين فنجان النسكافيه وكل يوم بشرب ماجين على الأقل شاي اخضر كل يوم على الأقل 20 دقيقة تمارين رياضية وهلا عم اهتم بجمال البشرة يعني حابة عوض الفترة اللي مرت بالحمل والولادات وارجع اهتم بنفسي