نزلي من وزنك 10 كيلو وبس وبسهوله ومجربه

مرحبا
انا كان وزني 60 كغم
الان اصبح 50 كغم
كيف ......؟
اولا : هذا ليس ريجيم وانما اتباع الطريقه الصحيحه لمعرفة احتياجات جسمك من الطعام
ثانيا : لن تمتنعي ابدا عن تناول الاطعمه التي تحبينها
ثالثا : وهو الاهم.....انه الوزن الي بتنقصيه ما رح يرجعلك ابدا حتى لو حاولت ترجعيه او على الاقل ليس بسهوله
رابعا : وهذا الشيء الي ما رح تحبوه كتير انه رح تلاحظي انه وزنك بدا ينزل بعد اسبوعين لثلاث اسابيع
بس يا بنات والله العظيم كان شيء رائع وممتع لاني لم اشعر باني اضغط على نفسي ولا حتى
شعرت بالأكتئاب الي بتسببه الرجيمات
وصدقوني اني عم بحاول ازيد 2 كغم بس مو قادره
اللي بدها نظام الاكل تكتبلي
ونا ان شاء الله رح اجهزه
وما رح اطول عليكم
زي بعض الناس اللي بنشفو الريق
انقصي عشره كيلو بدون ما تنحرمي اي نوع من الاكل
مو بس انا جربته.......
اعطيته لصديقاتي وكلهم خسوا عليه ودعولي
بعد ما صابهم اليأس من نقصان اي كيلو
برجع بقول لا اعتقد ان هذا الرجيم سيفيد السمينات جدا فوق 100 كغم
اخر الكلام بده طولة بال ورح تتفاجئي بالنتائج
ورح تدعيلي
انا كتير اسفه على التأخير وصدقوني اني ما كان قصدي التشويق ولا اشي بس بعيد عنكم النت
عندي مش بزياده وبفصل على كيفه
حقكم على راسي وهي بوسه لجميع اخواتي وحبيباتي موه
وعند جد سوري
ما رح اطول عشان ما بضمن ظروف الشبكه
اولا
لازم تعرفي وتحددي كمية الاكل الي بتتناوليها يوميا قبل ما تبدأي معنا بنظامنا الغذائي
جسمك ثبت وزنه عليه فمثلا كمية الأكل الي ممكن تزيد وزني انا بتختلف عن كمية الاكل الي
ممكن تزيد وزنك انت تبعا لطبيعة الجسم من جهه وحسب ما تقومين بحرق طاقه يوميه من
جهه احرى
بالمختصر المفيد انت الي يتقدري تحددي كمية الاكل الي بيحتاجها جسمك يوميا وهذه الكميه
الي ما بنقص عليها وزنك ولا بزيد بنفس الوقت
هذه يا حبيباتي اكبر واهم مرحله في النظام الغذائي لانه بتعتمد عليها كل ما سيأتي ذكره
فرضا انك حددتي كم يحتاج جسمك ليبقى وزنه ثابت نبدأ بالعمل
تتناولي نصف كمية الطعام التي كنت معتاده على تناولها
يعني اذا كنت تتناولي على الافطار نصف رغيف خبز تصبح ربع رغيف وكلي معها ما شئت من
انواع الاكل
على الغداء بتعملي نفس الشيء تتناولي نصف كمية الاكل المعتادة
اجينا للعشاء
خلي عشائك مبكرا قليلا يعني قبل النوم بساعة او اثنتين عشان لما تنحفي ما يضل في الك بطن
وكلي ما شئت من الاكل ولكن نصف الكمية هلأ هيك معتدك رح تصغر ورح تتعودي على هيك
وما رح تقدري تاكلي اكثر من الكمية الي معدتك تعودت عليها
هناك شيء هام يجب ان اقوله لكم لا تفوتي ولا وجبه واذا اردت ان تفوتي اي وجبة لا تخليها
ثابته يعني مثلا ما بصير انك ما تتعشي على طول او ما تفطري على طول هذا الحكي ما رح
ينفع لانه جسمك رح يبطل يحرق طاقه اذا تعود انك ما تاكلي بفتره ثابته
اذا اردت تفويت وجبه خليها مره فطور وثاني يوم غدا وثالث يوم عشى وهكذا
وما في اكل بين الوجبات يعني بس ثلاث وجبات وبس
الاشياء التى يجب عدم الاكثار منها هي التي تمد الجسم بطاقه يتتخزن ويصعب التخلص منها
الحلويات الدسمه
المكسرات
بعض اانواع الفواكه كالعنب والتين والموز
كيف ستظهر النتائج
اول اسبوع لحد اسبوعين ما رح تلاحظي الا شيء بسيط
اما بعد الاسبوعين ما رح تلحقي نقصان وزن
رح تنقصي كيف ما رح تعرفي
ثاني اسبوعين رح تنقصي بحدود ثلاث كيلو
ثالث اسبوعين رح تنقصي كمان ثلاث كيلو
وبألاربع اسابيع التاليه رح ينزلو الاربع كيلو الباقيه
المشكلة انه يصير معكم زي ما صار معي اني اضل انحف بدون ما احس وصار نفس الشيء
مع صديقتي ردت نزلت كمان ثلاث كيلو بأخر اسبوعين بعد العشرة كيلو
ازا ما بدك يصير هيك زيدي كمية اكلك شوي... شوي مو كتير وتنسي حالك وترجع معدتك
تتمدد مرة ثانيه
بدي اقولكم شغلة لازم اقولها
انك رح تتعبي شوي اول ثلاث ايام خاصه الي بياكلو كثير بس بعد هيك رح تحسي حالك انك
مرتاحة وما في اي مشكله
وحده من صديقاتي وزنها فوق الميه كيلو بس هي طويله وضحمه حبت تجرب بس انا نصحتها
انها تاخد ثلاث حبوب خميرة البيره على الريق وتتبع نفس النظام الغذائي هذا
اليوم اتصلت فيي تبشرنى انها بأسبوع نقصت ثلاث كيلو
صدقوني يا اخواتي انه النتائج مذهله والي صارو مجربين فوق العشر بنات وكلهم نزل وزنهم
بتمنى انه تكون الامور واضحه واي استفسار انا جاهزه ومن عيوني
وعن جد انا اسفه على المماطله الغير مقصودة ومن ثم على الاطاله
وحابه انكم تبشروني بالنتائج عن قريب ان شاء الله