نصايحكم للعروسات بخصوص الإستشوار ربي يحفظكم لعيون تعشقكم ادخلوا

السلام عليكم ورحمة الله وبركاته
كيفكم جميعاً ؟
إن شاء الله تكونوا بألف صحة وعافية يارب
طبعاً حبيباتي أنتوا عارفين إن شيء أساسي من ضمن تجهيزات العروسة الإستشوار
حتى نزين كشتنا القميلة
وطبعاً أسعار الإستشوارات الممتازة فوق 200 ريال
فقلت بدل مانشتري ونجرب واحنا مش متأكدين إذا كان تمام أو لا
نستفيد من تجارب غيرنا لأفضل الإستشوارات ..
طبعاً من تجاربنا مافي زي حق الكوافيرات اللي هو المسدس << بدون فرشاة
,,, بس المشكلة إن كثير مننا ما نعرف نستخدمه ولا احنا متعودين عليه ..
لكن لازم أتوقع نتعود عليه حبة حبة خاصة للزيارات والخرجات << شعرك لازم يكون مستشور مضبوط
وأنا شفت عند نزيه الأحمر.. ايطالي سعره 320 << 2000واط سرعته ..
وطبعاً في من بروان عدة أنواع ..
المجفف العادي .. الأستشوار اللي لف .. السيراميك .. اللي فرشاة لوحدها ..
فيا ليت كل وحدة تطرح تجربتها مع أحسن استشوار جربته وتنصحنا فيه ,, بحيث يكون استشواره ممتاز للشعر ولايتعطل بسرعة يعني يعيش بالعامية ..
وحطوا في بالكم إن الوحدة تحتاج واحد قوي للزيارات وممكن للبيت تستخدم واحد سرعته أقل
يعني لو الشعر يطلع مموج مو مشكلة ..
طبعاً كلكم تعرفون الإستشوار الكحلي المشهور تيسكيوم << لا أحد يجيب سيرته
لأنه ينفش الشعر مايستشوره
ونفس الوقت نحتاج استشوار للبيت بفرشاة لأنه يكون أسرع وأسهل بدل مانتضارب
مع الإستشوار المسدس وتتكسرأيادينا ..
فكل وحدة تطرح تجربتها مع الإستشوار وتذكر ايجابياته وسلبياته
وطبعاً السؤال للي كشتها قميلة مثلنا وتحتاج استشوار << لاتنسون هذا شرطنا حتى تكون النصيحة مضمونة هع هع
أنا ودي اشتري اثنين ...
واحد تبع الكوافيرات
والثاني محتارة ايش آخذ ؟؟
هل آخذ براون الفرشاة أو نوع ثاني بفرشاة تنصحوني فيه أو اللي لف أو السيراميك ؟؟
نصايحكم وتجاربكم ياحلوات
لأجل فائدة كل العروسات
ولاتنسونا من دعواتكم ..