نصيحة لا تفرطي في زوجك إذا كان حنون وطيب

انا فرطت في احسن انسان شفته في هالدنيا
انسان شفت في نظراته معنى الحياة الزوجيه
انسان اعطاني اشياء في هالحياة ماستحقها
انسان عرفت منه الدين والطيبه والإبتسامة
الكبرياء والدلع ضيع زوجي مني وتطلقت منه
كان يتراجاني ارجع له وانا كلي كبرياء ودلع
كل ماازعل اروح لبيت اهلي واخليه يتحسر
وبنات الناس مانفعوني من كثر ماسمع منهم
طلبت منه الطلاق على انه يرجع خاتم في
اصبعي وماتوقعت انه يتخلى عني علطول
وطلقنى وحاول بعد الطلاق يرجعني ولاكن
اصريت على كبريائي الي دمر حياتي كلها
راح مني زوجي وتزوج وحده طيبه مثله
وتركني اعاني الألم والحسره لحالي وحيده
وجلست سنتين عند اهلي وجاني واحد واحد
اه من اهلي الي رموني عليه بكل سهوله
انسان اعاني معاه الخيانه والوقاحه والتهزيئ
خلاني افكر في كل لحظة على الي سويته
بزوجي الأول وعلى وقاحتي معه وكبريائي
اتمنى لو ارجع له لو معه كل الحريم وادلعه
انا اعاني مع زوج مايسميني الا المطلقه في
كل وقت ويعذبي بالخيانات و السكر والسهر
وانا الحين اسعى في الطلاق منه وهو يعذبني
ومو راضي يتركني وياليت ان زوجي الأول
يرجع ياليت ياليت ياليت واحطه في عيوني
( ادعولي الله يفرج همكم وهمي )