نصيحة للي تبا تحرق كالوريز اكثر مضمونه

1. حبة اسبرين

السلام عليكم ورحمة الله
خواتي العضوات المدربة مالي من حوالي سنة عطتني وصفة اسوياها قبل التمرين مشي او ايروبك والصراحه الخلطه هاي تعطيج نشاط وتخليج تتمرين احسن وتساعدج على انقاص وزنج انا الصراحه خسرت 10 كيلو في شهرين
قبل التمرين بساعة
كوب من الشاي الاخضر دافئ بدون سكر
كوب من القهوه اي نوع بس بدون سكر

حبة اسبرين

وبعدين ابدي الرياضه لمدة شهر وبتشوفين الفرق وياليت شي بعد حبيت الفت نظركم له

• لو الفواكه تاكلونها خلال اليوم وتتوقفون عنها بعد المغرب يكون احسن لان السكريات اللي فيها تتحول لكاربوهدرات اللي تتخزن في الجسم على شكل شحوم وغير شي لو تاكلون البروتين مع الخضار في الليل بدون عيش او خبز بتشفون النتيجه حتى لو كنتوو في عزيمه خذو البروتين وخلو عنكم العيوش اعرف نحن عوقنا العيش والباستا بس اللي تبا تنزل وزنها تخليي الكاربوهدرات حق النهار بحيث ان الجسم يقدر يتخلص من السعرات الزايده بنسبة اكبر
• الجرجير والبقدونس كثرو منهم يساعدون على تضعيف الارداف
• الاناناس يساعد مص الدهون عليكم فيه بس لا تكلون صندوق في اليوم كم من حبة
• واهم شي الصبح كوب ماء دافئ على الريق وزين لو عصرة ليمون وياه بعد هاي عسب تذوب الشحوم ولا تنسون الريوق سبعة تمارات وبس وشوفو كيف وفنجان قهوه بدون سكر
• للحريم في الثلاثين اضيفي ملعقة من فول الصويا على ريوقج

اذا اتذكرت شي بعد بضيفه
تحياتي لكم وان شاء الله تستفيدون واللي تسفيد تدعيلي ok
يارب اكون قدمت لكم شي يساعد ويفيد واللي عندها اي استفسار انا جاهزه