نصيحه عن اكل مطاعم كنتاكي

1. كيف حالكم اخواتي ان شاء الله تكونوا في اتم الصحه والعافيه


2. حبيت انزل الموضوع ده لاني لقيت انه لازم انبهكم من مطاعم كنتاكي

السلام عليكم ورحمة الله وبركاته

كيف حالكم اخواتي ان شاء الله تكونوا في اتم الصحه والعافيه

حبيت انزل الموضوع ده لاني لقيت انه لازم انبهكم من مطاعم كنتاكي

انا دايما زوجي مايفضل اني اكل الوجبات السريعه لانها اولا مضره بالصحه وكلنا عارفين الشي ده بس انا اقول مره مرتين في الشهر مابيضر والسبب الثاني الي خلاه يصر على منعي انه يقول اخد مره وجبة زنجر سوبريم من فرع في جده وهو جالس ياكل جوت السندويتش يلاقي صرصار ناشف من الحجم الكبير الي طوله انش ونص وسوالهم جنان في المطعم وردوله فلوسه وهو جلس يستفرغ الله يكرمكم المهم هو لمن قالي الكلام ده ظنيت انه يبغى يقرفني ومااقتنعت بكلامه امس كان هو عنده عمل وماحيجي على الغداء قلت وقت ما اصحى بطلب ديليفري كنتاكي فرع مكه المهم صحيت وطلبت وجبة بروست دينر كومبو وجالسه مستمتعه اكل وفي نص اكلي الورقه المبطنه داخل كرتونة البروست الي حاطين البروست والبطاطس والعيش عليها فيها صرصار ميت ومصارينه طالعه ومن شفت المنظر على طول ترجيع لاني قرفت جلست امس كله قرفانه ومعدتي قالبه وتالمني من الغثيان دقيت عليهم معلمتهم بالي لقيته لكنهم مااهتموا قلت يعني فرع في جده وفرع في مكه للكنتاكي اجل ده يدل على غشهم وانه صحت المستهلك مو مهمه وياعالم الصراصير الميته هدي جلست تتمشى على ايش على العيش والا البروست والا الكراتين والا صحون الاكل والا ايش بالضبط بس حبيت انبهكم والله على ما اقول شهيد