نظام السعرات حياكم ربي جميع

السلام عليكم ورحمة الله وبركاته
البدايه ..يوم الثلاثاء 3_11_2009
النهايه 3_12_2009
صباح/ مساء
الخير
كيفكم
انا يا بنات بدخل في الموضوع على طول
وزني هالحين 75ونص وطولي158
وودي انزل على الاقل الى 60
مين ودها تبداء معي
وكمان لازم فيه شروط
انا موب مهم عندي الوزن انا بصراحه اهم شيء عني الشكل مشدود ونحفان
هو بصراحه بان بشكلي بس موب كثير
وكمان لازم على الاقل تمشين في اليوم من 20 الى 60 دقيقه
وكثري ماء 8 اكواب عساس البشره
وقد ماتقدرين رياضه
وهالحين بنزل نظامين وانتي براحتك اختاري اللي يعجبك
بس نبي نستمر
واتمنى اني اللقى حد يبداء معي
الاول
الفطور:
اختاروا وجبة من الوجبات التالية .
مقدار 3 ملاعق جبنة قريش أو كوتيج + حلقات طماطم وخيار + نصف قطعة خبز حب نخالة + شاهي أو قهوة بدون سكر
أو
شريحة من جبنة الكرفت الخالية الدسم + حلقات طماطم وخيار + نصف خبز بر النخالة + شاهي أو قهوة بدون سكر
او
بيضة مسلوقة + نصف خبز + حلقات طماطم وخيار + شاهي أو قهوة
أو
لبنة قليلة الدسم + شريحتان توست أسمر + حلقات خيار وشاهي أو قهوة بدون سكر
الغداء:
مثل قبل اختاروا وجبة وحدة بس بجميع مكوناتها ويفضل تبتدون بالسلطة قبل الطبق الرئيسي
طبق سلطة بدون زيت + نصف خبز بر النخالة + ربع دجاجة مشوية + نصف إيدام بدون دهن
أو
طبق سلطة بدون جزر + نصف خبز بر النخالة + ربع سمكة مشوية أو مسلوقة
أو
سلطة + نصف خبز النخالة + حبتين كفتة مشوية + مغرفتان ملوخية
أو
طبق سلطة + نصف خبز نخالة + 12 حبة جمري مشوي أو مسلوق
العشاء:
مثل ماقلنا من قبل وجبة وحدة بس
شكشوكة عبارة عن واحدة بيضة + طماطم + بصل بدون زيت + نصف خبز أسمر نخالة
أو
كوب زبادي قليل الدسم + شريحتين توست أسمر + حلقات الخيار
أو
طبق سلطة خضراء+ علبة تونة مع خل وليمون + نصف خبز بر النخالة
أو
ملعقتين طعام فول + نصف خبز بر النخالة
بين الوجبات:
برتقالة أو يوسف أفندي