نظرتي للحياة الزوجية بعد 4 سنين زواج

1. حبيت اكتب اهم تطوراتي على شكل عناوين وكل عنوان يبقى موجز بسيط


2. البداية


3. خليته اخر شي


4. كنت مجهزة كلام كثير عنه بس لما جا دوره راح كل الي في بالي مدري ليش

السلام عليكم
صبحكم الله بالخير
كيفكم يا فراشات
ان شاء الله بخير
اليوم غلقت 4 سنين زواج
اه والله مرت بسرعه البرق
امس كنت عروسه
الاربع سنين تغيرت فيني اشياء كثيرة سواء في نمط حياتي او في افكاري

حبيت اكتب اهم تطوراتي على شكل عناوين وكل عنوان يبقى موجز بسيط

البداية

مثل معظم الازواج تمت الشوفه والملكه والزواج وبدأت الاحلام ككل بنت كنت فاهمه الحياة الزوجية كلها حب وغرام ورومنسية طول الوقت لكن اكتشفت انه هالكلام غلط في غلط يعني مش هنقعد طول السنه مثل نور ومهند ولا يحي ولميس
لا طبعا الحياة الزوجية الحقيقية مختلفة تماما يعني لو هي دايما رومنسية على طول هنقلب مثل المسلسلات التركية
هده اول صدمه لي
ههه
جوالي
من فترة وانا قاعده اقلب في الجوال اكتشفت اني مخزنه ارقام ناس ما عمري في حياتي فكرت اني اسجلهم عندي لقيت رقم سوبرماركت دكتورة اطفال المخبز البقاله الروضة ههه
زمان جوالي مخزن فيه ارقام اهلي وصحباتي وصديقاتي وبس
الحين مخزنه ارقام ناس ما اعرفها لكن صارت مهمه بالنسبه لي
صديقاتي
قبل لما كانت وحده من صحباتي تتجوز وبعدين تختفي مره وحده كانت بتكون في صدمه كبيرة بسبب بعدها عني وكان الشيطان يوسوس لي يمكن غيرانه على زوجها او يمكن تتحسد ولا شي
لكن بعد ما تجوزت اكتشفت اني ببعد عن صحباتي غصب عني وهما بعد لما يتجوزوا بيبعدو
كلنا بعدنا عن بعض وماصرنا قريبين مثل اول موعلشان الاسباب التافهه الي ذكرتها بالعكس مرات اكون مشغوله وودي امسك التلفون وادق عليهم لكن للاسف ياخدني بعض الوقت وانسى
أزمات
أي زواج اكيد له بداية فيها بعض الازمات وعلى قولتهم السنه الاولى زواج تكون صعبه ومن جد صعبه من ناحيه الطباع والعادات المختلفة بالنسبه لي الازمه كانت لها مفعول ايجابي ومفعول سلبي
ابدا بالجانب السلبي غير توتر الجو وهم الغربه والبعاد عن الاهل اكتشف انه في ناس قريبين مني بتشمت فيا وتتمنى لي الشر وما تساعدني في حل مشاكلي ولا بكلمة تريحك
الجانب الايجابي اني عرفت ناس كثيره على حقيقتها وعرفت اميز بين السيء والجيد وصار معاي نضج عقلاني لكن الاهم من هدا كله انه الازمه عدت على خير الحمد لله وعرفت كيف اصلحها
الامومه
شي ما يوصف نعمه من عند الله لما يكون عندك طفل ما يعرف يسوي شي من غيرك معتمد عليك اعتماد كلي رغم السهر وقله النوم وعدم الراحه وغيرها الا انها من اجمل الممارسات
وانا صغيرة كنت استغرب من ماما وبابا لما يقولوا انهم فرحانين ادا احنا فرحانين واطالع في وجيهم المبتهجه ولما خلفت حسيت بهالشي من جد احساس رباني لا يوصف
الله يرزق كل الناس بالذرية الصالحه ويبارك في كل الاطفال
الاهل
دايما شايلين الهم محمد يقول انه ادا كبرت واتزوجت راح ينسوني اهلي حسيت بهالشي مع ولدي
كل ما كبر شوي اقعد اشي في همه واخاف عليه بزياده وهو الحين عمره 3 سنين ماشاء الله وخوفي عليه يزيد كل ما كبر افرح واتعب وقلقي بيزيد
زوجي

خليته اخر شي

كنت مجهزة كلام كثير عنه بس لما جا دوره راح كل الي في بالي مدري ليش

الي ابغى اقوله انه احنا الاثنين مثل كل الازواج عايشين تحت سقف واحد على الحلوة والمره نتخانق ونتزاعل ونتصالح وما نقدر نستغنى عن بعض والي يجمع بينا الحب والموده والاحترام والتنازل لكن احقاقا للحق قدوتي بالحياة يشجعني دايما اكونا للاحسن وللافضل ويساعدني في تحقيق طموحاتي ورغباتي ومعظم مشاكلنا لاسباب تافهه ولازم من الصبر يعني اصبر واتنازل على حقي عشان عيالي وعشان تدوم حياتي الزوجيه فهذه سنة الحياة يوم مشاكل ويوم فرح وسعادة
الله يحفظك يا زوجي ويخليك لي ويهديك ويبعد عنك الحرام واصحاب السوء
اخر كلمة
حبيت افضفض الي في قلبي وابين انه اهمية الحب والصبر هو الي يصمد الحباة الزوجية وربي يسعد كل متزوج ادعولي ومشكورين على الاصغاء
يلاه وانتم ؟؟؟
مثلي ولا كيف ؟؟