نفسي انسية اسمه ممكن لو تعرفو طريقة تساعدوني فيها

كيف صحتكم يالغلا ان شاء الله بخير وسلامة دايمة يا رب
مشكلتي اني تزوجت من قرابة 3 شهور
صرت ابتعد عن كل شي كنت اسوية بحياتي بالمختصر صارت الاشياء ممله ومالها معنى
تركت زيارة الاهل >> عماني وخوالي
امي وابوي من جا رمضان صرت استثقل اروح لهم بس ما اترك نفسي بالاسبوع اقل شي مرتين
صرت ما احب اطلع لناس اسولف معاهم كل همي اضل بالبيت لان الناس في نظري ما وراهم الا الهم والتجريح
صار البيت راحتي
بس هذا ما يعني اني ما احن اطلع طلعات خارجية بالعكس ودي بس زوجي ماله خلق نطلع كثير
تعرفون شنو الي مضايقني بنفسي
اني صرت لزقة بزوجي
يعني من يجي من البيت اروح له اشوف شيبي وش ما يبي
بس هو على طول من يفسخ ثوبه ووجه للانترنت ما يقدر يتركه واحسة لو اتركه ساعات ما نتبه لنفسة
وانا كل ما جلس على النت اروح وارجع له ما عندي شي اسوية طول النهار اكون نضفت وغسلت ما عندي شي يعني
واروح له العب بشعرة اسولف معاه<< اشياء مشفرة << ويكون عادي مبسوطط وفجاه من وسط لا شيء يعصب علي يبيني اتركه اسم انه مو قادر يركز
لما نشاهد تلفزيون مثلا هو يندمج وانا حتى لو اندمجت ما احس نفسي قادره ابعد عنه
يعني كل شوي اقوم من مكاني واجلس جنبة بس هو يكون ولا هنا
ينتبه لي شوي ويرجع يتابع الفلم
لما نتكلم في مشاكلنا وهو الي يبدى ويقولي طلعي الي بقلبك في نهاية كلامي يزعل ويمد برطمة شبر ولا يكلمني
اقول له نحنا نتناقش بس ماله داعي تزعل ولما اقول له عطني حل يقول ما عندي
واحيانا يسمعني زين ويجاوبني باسلوب حلو على حسب مزاجه
المشكله اني لما امل من وضعي ابتدي اخلق مشاكل واجرح مشاعرة كثير
نفسي اجذبه لي مثل ايام الخطوبه ابي يتصل فيني من العمل ابيه يطير فيني
مو لازق بكمبيوترة
مع انه الكمبيوتر ما يسوي فيه شي غلط وانا اعرفه مو تبع الشغلات البطاله علشان كده مئمنه
هو مكتئب من الحياه ليش انه وين ما طقها عوجه وانا ما احب اشوفه كذا والمشكله الاكبر اني ما اعرف اساعده شسوي اذا الحظ قدامه مسكر
ابيكم تساعدوني
كيف اخليه يتفائل ,
شسوي علشان اشغل وقتي وابتعد عنه , لان هو لا يحبني انشب له ولا يحب ابتعد عنه
كيف اشيل النكد من نفسي وارجع البنت المرحه الي عرفها في الخطوبه ,
كيف ارجع ثقتي بالناس الي حولي وما اكون حساسة على كل شي
ابي تكون لي حياه خاصة فيني ما ابي احسسه اني عاله عليه ما عندي الا هو بالدنيا
بشكركم كثير لو ساعدتوني
تحياتي