نوعين حلى تخلصيهم بنص ساعه بالضبط وشكلهم يهبل ولا احلى محل حلويات يسويهم

1. خلاط 2 فنجان سكر وعلبة قشطه و6 حبات كيري">حطي بالخلاط 2 فنجان سكر وعلبة قشطه و6 حبات كيري


2. صبيها فوق الصينيه وزينيها بالكاكاو السايل

اليوم طلب مني زوجي اسويله حلى يبي ياخذه معاه الدوام وكان مستعجل قعدت افكر بحلى سريع وبسيط ويكون اقتصادي بنفس الوقت واغراضه موجوده بالبيت المهم مااطول عليكم سويت صنفين حلى وكل واحد احلى من الثاني وشكلهم طلع يهبل اول حلى
جبت عجينة البف باستري المربعات وحطيت بطرفها جبنة كيري وطويتها بالنص يعني صار شكلها مثلث ودخلتها الفرن لحد ماتحمرت من فوق ومن تحت وصفيتها بالصينيه ورشيت عليها شوي شيره وزينتها بكاكاو هرشي السايل والله طعمها رهيب تذوب بالفم والمنظر ولا احسن محل حلويات مايسوي مثلها
اما الحلى الثاني والله ماتصدقون كيف راح يطلع طعمها ولا شكلهاوالكل راح يتعجب من مكوناتها وسريعه بالمره
مكوناتها علبتين بسكوت شاي الأزرق اطحنيها وحطي معاها بيضتين ونص كوب سكر ونص كوب زيت ونص كوب ماء وملعقه كبيره بيكنج بودر وشوي فانيلا
اخلطيهم مع بعض وصبيها بصينيه بايركس ودخليها الفرن تتحمر من فوق ومن تحت تقريبا اخذت معاي ربع ساعه بعدها طلعيها من الفرن وسوي الصوص اللي بعطيكي المقادير الحين

خلاط 2 فنجان سكر وعلبة قشطه و6 حبات كيري">حطي بالخلاط 2 فنجان سكر وعلبة قشطه و6 حبات كيري

صبيها فوق الصينيه وزينيها بالكاكاو السايل

كل هذا اخذ مني نص ساعه بالضبط اتحدى وحده ماتضبط صنفين الحلى اللي كتبتهم والحين اللي قرت موضوعي بسرعه وبدون كسل تقوم اتسوي لزوجها اذا انها متزوجه الحلى او تسويه لأهلها اذا هي بنت وتفرحهم بالحلى الزين واي وحده تسوي الحلى بالأمانه تكتب ايش صار معاها وادعولي