نوفو باك صابونة فعالة للقضاء على الحبوب والبثور وتصفية الوجه تجربة شخصية مني لكم

السلام عليكم
كيفكم يافراشاات ان شاء الله بخير وتمام يارب
اليوم جبت لكم وخصوصا لعرايسنا الحلوين شيء حلو بالمرة
شي انا جربتو شخصيا والله شاهد على مااقول ولسى لين دحين استخدمو
ونتايجو مبهرة بكل معنى الكلمة
كل الحكاية اشتقت لكم -> داخلة غلط ههه
اقصد كل الحكاية في صابونة جبتها معي من المغرب
وبصراحة مدري اذا موجودة هنا بجدة او بالسعودية كلها
وهي صابوونة novobac
وهذه صورتها
مميزاتها :
تصفي البشره من اثار الحبوب
تعالج حبوب الشباب والحبوب لي تطلع كدا فجأة
يعني لو تستخدميها شهر او اكثر يصير وجهك لقلق اصفى من الحليب
وربي وربي مااكذب بأي كلمة قلتها لاني مجربتها وعن تجربة شخصية
وكمان مكتوب عليها انتي باكتريا يعني بالعربي ضد البكتيريا لي تكون بالوجه والمسؤولة عن الحبوب والبثور
وكمان تنفع للحساسية واحمرار الوجه والحكة والخ
والنتجية الفعلية حتظهر لك من بعد اسبوع من الاستخدام حتحسي بالفرق
والله يعلم اني مااشهر اي شركة او احاول اربح اي احد
انا كان نصحتني بها حرمة خالي بالمغرب وجربتها من فترة وحسيت بالفرق الشاسع
لاني تعبت من كثر الكريمات والخرابيط وانتو عارفين مانصدق نسمع خلطة الا جري وراها ..
وازيدكم انه ثمنها حوالي 17 درهم يعني بالسعودي يجي 8 ريال او اقل على حسب الصرف .
سمعتو ايوة 8 ريال بس ويمكن اقل ..
وانتظروني بمرهم شفاف للحبوب شي خيالي بالمرة
وربي يشهد انه ماكتبت الموضوع الا عشان الافادة زيما استفدت منها اناا ..
فمان الله يالغااليات ^^