هالحين تسال

ما قلت لي وينك من سنين عني؟!
هالحين تسال حضرتك كنت ويني!!
ترى الخطا بالحب ما كان مني
وانا الذي قد قلت هذي ايديني
الحب ما هو بالزعل والتمني
من صد عني مااتمناه عيني
ناديت ياليلاي هايم واغني
مبطي وانا مغرم وتوك تجيني
حبك وانا بعمر الطفوله سكني
وتوك تذكر يوم ضاعت سنيني
فات العمر ما داعب الضحك سني
واجرع على صبري مرارة حنيني
صابر واسلي خاطري بالتمني
لين انسرق حلم الامل من يميني
احلام ماتت واخلف الوقت ظني
واليوم تسال حضرتك كنت ويني؟