هام اخواتي الغاليات

السلام عليكم ورحمة الله وبركاته..
حبيباتي ابغى اقولكم شي واتمنى مااحد يزعل مني بس انا ابغى دا الشي لصالحكم
ليش لمن وحده تنزل مواضيع تفيد البنات خلطات وريجيمات لمن اللي تاخد الوصفه ماتستفيد منها تجي تجرحها ب الكلام وتدعي عليها ما كأننا مسلمات استغفر الله
جد انا راح اتكلم عن تجربتي انزل مواضيع يجربو البنات الخلطات ويقولو مافادتنا وتتدعي عليا وربي شي يجرح ويقهر وربي قولت في نفسي ماراح انزل مواضيع
انا درست التجميل سنه وعارفه ايش اللي يضر ومايضر انزل مواضيع وانا عارفه انها مارح تضر ان شاءالله..
حتى لو وحده مافادتها تعرف نفسها لو هي من النوع اللي يتحسس من دا الشي بلاش تستمعمل شي يضرها كل وحده ادرى بنفسها..
ترى اكتر اهل النار النساء تدرو ليه بسبب لسانها تدعي وتنم وتحش دا الشي يدخل النار..
ياليت بلاش احد يدعي على التاني..انا نزلت دا الموضوع لاني مريت بدا الشي ..اللي ماتستفيد ترجع ترد وتدعي عليا ..اخر شي صارلي اليوم العصر..
بس انا ماراح اوقف وانقل كل شي عشان افيدكم ماابغى منكم غير الدعاء..
اخواتي ادخلو ملفي وشوفو مواضيعي فيها اشياء تضر والا لا...طبيعيه كلها...
انا اسوي الشي اللي بيرضي ربنا..انزل الموضوع اللي اعرف انو ماراح يغضب ربنا ..الحمدالله..
اتمنى مااحد يزعل من كلامي ..انا اتكلمت بالنيابه عني وعن اخواتي اللي مرو بنفس الحاله,..
يارب يهدينا جميعا..