هذا هوسر أخوية شوفوا قصته عجيبة

السلام عليكم ورحمة الله وبركاته
سبحان الله يابنات الصدقة شئ عجيب للي يجربه والله بركة في المال والأهل ودفع الضر وتفريج الكرب وكل خير.
غريب اننا نبخل باللي عندنا, والله عنده خزائن السماوات والأرض.
وماندري لو إن رزقنا متوقف على عطيتنا!
والله اللبس الجديد اللي نشتريه بالقيمة الفلانية ولا الشنطة من الماركة الفلانية ان غيرنا يتمناه يسد فيه جوع عائلته او يسد عورتهم.
من اللي أحق في هذي الفلوس احنا ولا هم؟!
وفوق هذا كله ويابنات اذكركم ونفسي والله والله والله ان اللي ننفقه يرجع علينا اضعاف وهذي قصة اخويه دليل وشاهد والمواقف كثيرة بس ماتحضرني
اخويه كان طالب جامعي (وياحال الطالب الجامعي) وكان يدرس فمدينة ثانية
وكان ع الله ثم ع المكافأة , مايحب يطلب احد, مرة فآخر الشهر كان ماباقي بجيبه إلا عشر ريال والمكافأة انقطعت
يقول كنت جوعان ورحت لمطعم قلت اشتري بخمسة والخمسة الثانية اعبي فيها بنزين
المهم وهو خارج من المطعم شاف هندي ينظف يقول كانت نظراته ع الأكل اللي في يد الناس وواضح الجوع عليه يقول لاشعوريا رحت له ومديت عليه الخمسة يقول لو تشوفوا الفرحة اللي بعيونه والله قام يبغى يحب ع راسي وانا أبعده وقلت له بس ابغاك تدعيلي
ماأمداني اطلع إلا وهو رايح يشتري اكل, اليوم الثاني راح للجامعة يستلم وثيقة التخرج قابله دكتور يبغى يعطيه الوثيقة سأله اخذت مكافأة التخرج قال لا قال أول روح قدم عليها بعدين تعال خذ الوثيقة لأني لو أعطيتك اياها ماراح يعطوك المكافأة
(المكافأه هذي هي العشرة اللي يقتطعوها من المكافأة وفي النهاية المفروض يعطونا اياها)
راح اخويه وقدم عليها واخذ الوثيقة يقول والله ماجاء المغرب الا وهما منزلين ليه خمسمية بدل الخمسة اللي انا اعطيتها الحمدلله
وراح يقول لأصحابه عليها كلهم قالوا مادرينا عنها ولا عمرنا سمعنا عنها وراحت عليهم
وانا حاولت آخذها بس ماأحد أعطاني اياها
والله ماسهلها لأخوية إلا الصدقة, بعدها صار مايترك الصدقة وتوظف ع طول بعد التخرج
لكن
والحمدلله ع كل حال ماكمل ست شهور وتوفى
ادعوا له هو الآن في قبره ينتظر دعواتكم
الله يرحمه ويكفر سيئاته ويجعل الفردوس الأعلى دار قراره واجتماعه بأحبته.
ارفعوا الموضوع لعل الله يجعل فيه فائدة
واللي عنده اضافة لايبخل
وجزاكم الله خير
منقول
الله يرحم اخوها ويسكنه الدراجات العاليه من الجنه
ويجعله في ميزان حسناته ويضاعف له اجر من عمل بها
الصدقه بركه