هل ارد لهم الصاع صاعين

انا ساكنة عند اخو زوجي بعمارة اخوه يعني لان زوجي ببداية الزواج كان وضعه المادي قليل والحين الحمدلله وسار يعطي اخوه ايجار عشان مايحس نفسه مثقل عليه واخوه طيب معانا بس المشكلة في زوجته وبنتها المتزوجة بداية زواجي كانت علاقتنا كويسة مع بعض بالعكس كنت اروح لهم اكثر من يجوني وقبل ماتتزوج بنتها لان بنتها صديقة اختي من قبل ماتزوج ولمن رزقنا ربي بالحمل وكانت اول فرحة لي لاننا طولنا تخيلو ماجاتني زوجة اخوه هذه اكتفت بس بالاتصال تتعذر انها مشغولة بزواج ولدها وبنتها وكان الزواج لسه بعد شهر الكل استغرب من تصرفها هذا كيف ماتجي تزورني وانا سلفتها وساكنة تحتها على طول من بعدها تقريبا 4 سنوات مادخلت بيتي ولا زارتني ابداا بدون اي سبب انا تغيرت خلاص معاها ولا سرت اروح لها الا اذا في شيء ضروري مرة وبنتها كمان بعد ماتزوجت سارت تغير مني وجالسة لأي شيء اسويه يعني الام والبنت سارو مايتصلوا يسألو ولا زاروني ولا كأني ساكنة عندهم وبنتها لمن تكلم اختي حست اختي منها انها حسداني على اي شيء نسويه مثلا لو سافرنا الخارج تقول لها طبعاا يسافرو ماهم ساكنين ببلاش قصدها احنا واصلا زوجي بيعطي اخوه ايجار بس الحسد اللي فيها عشان زوجها راتبه قليل مرة وقبل فترة جبت شغالة عشان حملي والتعب اتصلت على اختي من يوم شافت شغالتي تسألها من متى مرت عمي جابت الشغالة واختي سارت معاها سطحية وماتكلمها لانها اكتشفت انها حسودة وجالسة لأي شيء اسويه لانها محرومة وقبل فترة كان عندهم مناسبة لقريبتهم تسير اخت سلفتي وبنفس الوقت اخت سلفتي ساكنة بالحي عندنا يعني جارة ماعزموني حتى لو بالكدب واتصلت بنت سلفتي هذه على اختي تعزمها وقالت لها بالاخر بدون بنفس قولي للأختك اللي هو انا يعني انا زوجة عمها ماتتصل فيا وتتصل بأختي وتقولها قولي للأختك وامها تعزم الناس وانا ماتصلت فيا تعزمني اا بصراحة اتقهرت منهم اكثر من اول وقلت خلاص من اليوم ورايح رح ارد لهم الصاع صاعين واعاملهم بنفس الاسلوب لاني ناوية اسوي سابع ان شاء الله لمن اولد وقلت مارح اعزمهم الا بنفس اسلوبهم