هل الرجل يحب المرأة أو

السلام عليكم ورحمة الله وبركاته
أنا بطرح عليكم رأيي في مشكله معينه ودي منكم انكم تعطوني رأيكم
أنا شايفه تعليق أغلب النساء لما يجيبون طاري الزواج بالثانيه أو الطلاق بأنها (ماتتجمل لزوجها)
معقوله صار فكرة الزواج هي ان الوحدة تلبي طلبات الرجل الجنسيه بس؟؟؟؟
يعني لما نسمع ان زوج تزوج على زوجته عشانها ماتتزين له تطلع هي الغلطانه ونسوا (الحريم )انه في حقوق على المرأة غير السرير!!!! اذا كان تفكير النساء كذا فماألوم الرجال
يعني راح اصلح مقارنه
وحدة تتجمل لزوجها وتسوي حركات الدلع كلها ولكن كل يوم تطلب تطلع وماتشري الا أغلى الماركات ولا طبخ والعيال عند الشغاله24ساعه وكل صيفيه تطلب تسافر ولا راعت ظروف زوجها
ووحدة اذا شافت زوجها متضايق تحاول تعرف السبب وتقدرظروف زوجها الماديه وممكن تحاول تساعده وماتضغط عليه لابسفر ولا غيره وترضى بالقليل ولكن نادرا ماتتزين له
الرجال ممكن يتحملون الاولى ولكن مايتحملون الثانيه ...بس المرأة ودي أعرف وش رأيها بالأمثله
أنا رأيي ان المرأة في المثال الثاني تحب زوجها أما المرأة في المثال الاول تحب نفسها وأحسن شيء هو الوسط بين المثال الاول والثاني
وأنا موضد المرأة اللي تتزين لزوجها_بالعكس مفروض على المرأة انها تتزين لزوجها_أناضد تعليقات النساء في هذا الموضوع وياما سمعنا عن نساء تجمع راتبها وتساعد زوجها في بناء بيت لهم وماتشرط انه يكتب البيت بإسمها أو حتى نص البيت وبالأخير يتزوج عليها
وفي المقابل نجد هناك نساء يتحملون عيوب أزواجهم إما انه راعي مكالمات أو24ساعه بالاستراحه واذا جا ريحته دخان أو...أو....(وهنا تكون النصيحه تحمليه - حاولي تكسبينه )أنا بعد موضد هذي النصايح بس ودي نفهم انه حنا اللي جبنا لنفسنا هالكلام !!1تقولون ليه؟؟ الجواب ممكن تلقينه في نظرة المجتمع للمرأة المطلقه ونظرته للرجل المطلق أو الذي يتزوج على زوجته ولا تنسون ان المرأة نصف المجتمع يعني لو غيرنا نظرتنا (النساء)تغير نظرة نصف المجتمع
وفي النهايه هل تتفقون معي ان الرجل الذي يتزوج على زوجته لمجرد أنها لاتشبع غريزته الجنسيه رجل يحب جسد المرأة فقط وآسفه على الاطاله ودمتم بود