هل الطلاق هو الحل

عندي مشكلة وايد كبيرة ارجوكم ساعدوني تر مالي غير الله ثم انتو
انا عمري 24سنة متزوجة من سنة بداية قبل سنتين تقريبا كنت ادرس ف معهد وتعرفت ع شاب احبني
بصدق ولكني كنت خايفة ع سمعتي وانا ما اعرف عنه شي ما كونت علاقة بس مجرد اعجاب مني بس هو حبني وايد وطلب صورتي وطلب
اطلع معه بس انا رفضت وهذا شي خله يتعلق فيني اكثر ترك الدراسة وتوظف وفاتح اهله بالموضوع لكن اهله رفضو بسبب فرق العادات والتقاليد وصغر سن كنا وقتها 21سنة انا وهو نفس السن وانا توظفت ف قطاع خاص بعد كذا وما كنا نتواصلة مع بعض لكن لما تقدمو اهل زوجي لخطبتي اتصلت له اخبره بس هو حس اني
جالسة اثير غيرته واني امزح وانتظر اني اصارحه بس انا ما اتصلت فيه لان اهله كانو رافضين وغيرت رقمي وتمت الخطوبة وبعد 8شهور تزوجنا وقبل الزواج تركت الوظيفة بس كان عندي زميل معجب عليه بس انا وربي شاهد كنت اعتبره اخ وصديق وبس وبعد زواج اكتشفت ان زوجي يخونني وله علاقة مع بنت كان يحبها قبل الزواج وعمر علاقتهم اكثر من 10 سنوات انصدمت وايد بس ماا عندي احد اختي عمرها 6 سنوات وامي خفت اصارحها لا اخرب علاقة زوجي وصورته قدام اهلي ولمدة 9 شهور من زواجنا وهو كان يخونني كلمت اخوه الكبير بس كذب وحلف واكتشفت مرة 2وصارحت اخته قالت انتي غلطانة ليش تشوفين محفظته لاني حصلت صورها ف محفظته تعبت وايد و فنهايه خذيت رقمها واتصلت فيها بعد 9 شهور وانا كل شهر اكشفهم وقالت هو ما خبرني انه تزوج بس بعد اليوم راح اتركه وبعدها انا حاولت ما اتدخل ف اغراضه وابتعد عن مشاكل لان من 9 شهور من زوجنا واحنا ف مشاكل واتصلت لزميلي وطلبت منه يدورلي ع وظيفة بس ما خبرت زوجي وزميلي هذا متزوج وزوجته شكت بيننا وخبرت حج زوج اختها وهو صديق زوجي وقبل كذا انا زوجي عنده ما شاء الله 7 اخوات وهم يبونه بس يسمع كلامهم وزوجي يخبرهم عن كل صغيرة وكبيرة وهو خبرهم ان زوجتي صايرة وايد زينة ما تتدخل باموري وبصراحة وايد مرتاح معاها بس اخته اللي وايد معاه قالت اكيد زوجتك متغيرة لان عندها حد غيرك وزوجي بدء يشك فيني وصديق زوجي بنفس الفترة خبر زوجي عن زميلي وكأن شك تحول لواقع بس ربي شاهد وقبلها بفترة الانسان اللي كان يحبني عرف اني تزوجت صح رسل لي ايميل يبي يكلمني ضروري وانا فتحت رقمي الاولي وكلمته وهو قال انا ما اريد اخرب حياتك بس انا وايد ندمان لان كنت اتوقع انك تمزحين بس الله يسعدك وانا ما راح اسبب لك مشاكل وانا بعد مكالمة حرقت البطاقة وزوجي احين رايح لمركز اتصالات وماخذ كشف ع رقمي هذاك ورقمي هاي وعرف اني فتحت رقمي وكل هالامور وجابني بيت اهلي وقال انا رايح دوام وبعد ماارجع اشوف اذا اطلقك او ارجعك وماخذ كل حقوقي من ذهب وملابس وكل شي ويقول اذا طلقتك كل هذا حقي اللي دفعته لج انا وايد تعبانة ارجوكم ساعديني ما ابي اتطلق بس ف نفس الوقت هذا ما زواج هو بخيل عليه وكريم مع اخواته بس بعدني مستحمله وايد تعبت منه شاسوي امي تقول لا تفكري ف طلاق وابوي شايف حالتي يقول تطلقي ارحم لك وتصدقون اهلي طول ههالفترة يساعدوني ماليا ونفسيا ما ادري شاسوي عمري 24 وهاي حالتي