هنا تجمع البنات اللي بيطولون شعرهم تعالوا نضع الخطة اتفضلوا

قطوة

18-09-2022 - 10:53 pm

السلام عليكم بعد طول محاولاتي وكثرة تجولي في قسم الشعر ودخت من هالخلطات وهالنصايح ،،،اكتشفت ان احنا نحتاج تشجيع وبرنامج نمشي عليه ....
جربت بعض الخلطات وما نفعت معاي؟؟؟؟؟ وفي نصايح انفعت معاي ؟؟؟؟
خلونا نشجع بعض ونكتب في هالموضوع اللي بقلبنا ،،كل شي ( لتطويل الشعر )
من خلطات طبيعية ...
من شامبو يطول الشعر....
من اسم حبوب أو فيتامينات........
أو حتى لو قصة أو صالون معين جربتوا قصته وطالت شعوركم........
اللي تحب توقف معاي وتساندني حياها الله والبيت بيتكم ...

التعليقات (9)

قمر 15^

19-09-2022 - 01:27 am

انا معاك واول وحدة
زيت عافية مع الحلبة
وبعد موية الثوم من الصيدليه 160 ريال علبة سودا

شاطئ الغروب

19-09-2022 - 02:28 am

وانا معاك ياقطوة انا الان استخدم زيت احلام ..وبقولكم على النتيجة ان شاء الله بعد العيد.

رفيعة الشان2005

19-09-2022 - 03:29 am

وانا معاك استخدم زيت النخاع التونسي

طيف الاشواق

19-09-2022 - 04:30 am

اما انا بصراحه فعندي اقتناع بأن الشعر هو نفسه ماراح يتغير لأن اغلب الخلطات مانفعت لا معي ولا مع غير
ولو لاحظتي الطلب على الخلطات .. أكثر من التجربه الفعليه الناجحه ...والمقنع اكثر ان الراحه النفسيه والاكل المفيد
هو اساس جمال الشعر .. .. بس والله ما عرف لنا الا اللي يسون الخلطات يلعبون علينا لعب ..
والحل الامثل وعن تجربه مني هو حمام الزيت الطبيعي مع عدم استخدام اي شي يضر بالشعر مثل الصبغات والاسشوار و
عارفه اني ماأفدتكم بس حبيت اطلع اللي بقلبي.. وتحياتي

العبري

19-09-2022 - 05:31 am

فيه امبولات اسمها اكرينال تنحط على الفروه ومكونه من نبتة ذيل الخيل تلقونها في قزاز انا ماجربتها بس يمدحونها
ونصيحه لحد يحط زيت على فروة الراس لانه يوسع المسام ويسهل سقوط الشعره ..

الذ فراوله

19-09-2022 - 06:32 am

مرحبا اختي قطوه
اشكرك على هالموضوع الحلو
اول شي وقبل كل شي اهم حاجه في اي خلطه خصوصا خلطات تطويل الشعر
انك تقومين عند وضع الخلطه بعمل مساج مهم جدا والمفروض باليوم 3 مرات او اكثر تقومين بعمل المساج
انا جربت خلطه الثوم مره زينه عباره عن ثوم معصور وممكن تحطين معه زبادي
وعشان الريحه بعد ماتغسلين شعرك زيين من الثوم حطي قهوه يعني الباقي من القهوه الي تسوونها
لانها تشيل الريحه
والله حسيت ان شعري بدى يطول مع انه قبل كان مايطول
وفي كمان خلطه الجرجير تعصرينه وتحطينه مع السدر تعجنينهم وحطي شويه زبادي عشان تكون سائله شوي
وفي خلطه رح اجربها ان شاء الله قريب وهي الحلبه مع زيت عافيه
صديقتي جربتها وتحسن شعرهاا بكثير وكمان صار يلمع وطري
انك تخلطين الحلبه مع الزيت وتنقعينهم لمده 15 يوم بالشمس
وفي من يقول تنقع 24 ساعه مو شرط بالشمس
وبس
والي عنده شي لايبخل
والله يوفقن يالغاليات
لا عندمناكم ,,,

ام احمد_قطر

19-09-2022 - 07:33 am

انه والله جربت غسول نبات الاس والله انه طول شعري وخواصه مثل نبات السدر بعلمكم السدر اوقف تساقط الشعر لكن الاس والله والله والله والله والله والله والله والله والله والله اطول الشعر في مده بسيطه انه توي باديه فيه ماكملت 10 ايام وشعري اول ماقسته تفاجات انه طول انصح فيه للي ماتحب الزيوت وطريقته سهله تروحين اقرب محل اعشاب وتشترين كيلو اس مطحون وتاخذين ملعفه واحده وتخلينها في كوب متوسط وتخلطينه جيدا جيدا بعدها تشخلين الماي بقطعة قماش وتخلينه على فروة الراس 3 ساعات وكري العمليه يوم ورا يوم للوصول الي الطول المطلوب وعلى فكره بعد اوقف التساقط لاتنسوني من دعواتكم

نسايمى

19-09-2022 - 08:34 am

امبولات اكرينال بس توقف التساقط وتحتاج وقت طول جدا ماانصح فيها بصراحة

dodh

19-09-2022 - 09:35 am

بصراحه انا اعرف كوافير يدها ماشاء الله روعه والله ما اقص الا عندها من حوالي خمس سنين لانها لمل تقص لي يطول بسرعه ونصحت بنات كثير وقلتلهم عنها ولي تبي رقمها ترسلي

صبغة شعري←
ابغى اعمل شعري يوم العيد كذا→