هيلب مي بليز

1. 3\ ابدا موضوعي

السلام عليكم ورحمة الله وبركاتة ..حبيباتي كيفكم
بالبداية عندي كم نقطة بوضحها ليكم: 1\اللي تدخل وتشوف الموضوع ياريت تفيدني
2\ اللي ماتعرف ياريت تدعيلي وترفع الموضوع

3\ ابدا موضوعي

انا قدمت على جميع الجامعات تقريبا بالمنطقة الغربية وكان نفسي بجامعة عزوز طبعا
انقبلت بكل الجامعات الا عزوز جاني قبولي انتساب طبعا انا مافقدت الامل جلست ادعي ربي كل يووم انو انقبل انتظام بيها وفعلاا بعد كم يوم انقبلت انتظام يابنات وربي كونت مبسووطة نسبتي الموزونة 78 ونص بعد كدا فرحتي ماكملت تخيلو المووعد فاتني ليومكم دا ماني مصدقة انوو القبول جاني ولا قدرت ارووح وربي اكتبلكم وانا ابكي ومقهوورة على نفسي مرا انا ماابغى الا دي الجامعة
وابغى مع صحباتي بس قدر الله وماشاء فعل .. المهم انو وحدة من صحباتي قلتلي قدمي انتساب ترم وبعدين ازا جبتي معدل حتحولي انتظام حابة اخد رأيكم ونصيحتكم يابنات افيدوني ايش اعمل انا قدمت الانتساب والورق رسلتو ووصل للجامعة بس لسا ماخلص تقديمي للانتساب ايش الحل برأيكم هل ممكن يكون في فرصة انقبل انتظام او استنى قبولي عالانتساب واتوكل على ربي
بعدين انا مو عارفة كيف انظمة الانتساب وازا جبت معدل صحيح اقدر احول ولا ايش ..ناس يقولو انو الانتساب صعب وازا فية وحدة معايا قدمت انتساب ياريت تفهمني وتوضحلي والله يابنات قهر انو مقبولة بكل الجامعات ونهايتي انتساب وغير كدا مقبوولة انتظام بعزوز وراح اكون انتساب لاحد يقولي ليش ماروحتي لانو بنفس اليوم ماقدرت اروح ولا اخرج اي مكان حاولت ارسل الورق بس قالو مايجي لازم تجيبية بنفسك احس نفسي ضايعة مرا ..ازا فية تقديم بعزوز الترم التاني انتظام قولولي لاني مقدمة عالانتساب المرحلة التانية مو عارفة ايش يعني انتسابي ترم تاني ولا كيف بنات الله يسعدكم ياارب سااعدوني انصحوني محتاجة احد ينصحني