واخيرا عرفت سر جمال شعرها والله شي سهل مره بالصور

1. قلت ابشري ولايهمك


2. تقول اول شي-- استخدمت حبوب زيت كبد الحووت

السلام عليكم ورحمة الله وبركاته
اشحالكم ان شاء الله تمام
انا ياحبايبي اكتشفت سر من اسرار صديقتي
ماشاء الله تبارك الله
شعرها يجنن طويل لاخر ظهرها وكثير سم الله عليها
مع انها اول ماكان شعرها كذا كان لنص ظهرها وخفيف ولمعته موذاك الزود
ولي سنه ماشفتها ويوم شفتها ماشاء الله انهبلت
قلت انتي فلانه اكيد <<<<<<تستهبلين انتي ووجهك
قالت ايه انا صديقتك ياهنيه
قلت لها تكفين الحقي علي وش اللي عدل شعرك يادوبا
قالت ابقولك نضامي بس بشرط انك تدعين لي كل ماغسلتي شعرك وتستمرين عليه موتجيني بعد اسبوعين تقولين مليت

قلت ابشري ولايهمك

تقول اول شي-- استخدمت حبوب زيت كبد الحووت

وهاذي يابنات انا نزلت فيها موضوع وبصراحه مره حلوه وماتسمن لاتجيني وحده اللحين وتقول تسمن ترا كتبت هالكلمه مليون مره بموضوعي والبنات يرجعون يسألون تسمن ولا لا والله يابنات انا وصديقتي وبنات ثانين اعرفهم جربناها ولاسمنا مع اني ابي السمنه لاكن ماسمنت عليها حتى صديقاتي ماسمنو
الشي الثاني-- هو استخدمت خلطه كلمة روعه قليله عليه مره تمدح لي هالخلطه
وهي
زيت الخروع -واللوز-والنارجين-وزيت عافيه-واللي تبين من الزيوت
تحطينهم في علبه وتضيفين لهم التالي<<<<حلوه التالي
فنجال حلبه
وفنجال قرنفل (مسمار-عويدي )<<<<بكافة اللهجات
وفنجال قرفه
وفنجال محلب
وتاخذين نوى التمر تحمسينه عالنار وبعدين تطحنينه وتضيفينه للخلطه
وهاذي صورته
وبعدين نحفظ هالخلطه بعلبه قزاز لمدة عشرة ايام وكل يوم نرج العلبه
وبعد العشرة ايام نبداء نستخدمها ندهن فروة الراس وندلكها واللي تبي شعرها ينعم تدهن كل شعرها واطرافه بالذات لانها تنعم الشعر وتزيل التقصف
والريحه خفيفه وموشينه مرره وريحة الحلبه مو باينه ابد
وتخلينها عالشعر ساعتين تحطين على راسك كيس وفوطه
وبعدين تغسلينه
نجي للنقطه المهمه
ثالث شي--الشامبو تستخدم الشامبو الاحمر القديم
وهاذي صورته
وبعد ماتغسل شعرها
تحط شوي من كريم برشوت على يدها وتدهن شعرها فيه بس شوي مو كثير لانه يحمي الشعر ويعطيه لمعه
وهاذي صورته
وبس
وتقولي التساقط راح تلاحضين انه خف بعد ثاني اسبوع
في البدايه بيطيح الشعر بس تقول عادي هاذا الشعر التالف وبعد ينبت بداله بعد شهر من الاستخدام
والاستخدام 3 مرات بالاسبوع
وبس
واي استفسار انا حاظره
والله جربوها وماراح تندمون
والله ابي افيدكم لاني شفت شعرها كيف تغير
وتقولي راح يبين الفرق واضح من اول شهر بيلاحظون اهلك الفرق
واتمنى تدعون لي الله يحقق لي اللي ببالي ويفرج همي
بنات بتقولون يوه الخلطه يبيلها وقت ومدري كيف
بس صدقوني اللي يجي بسرعه يروح بسرعه
يعني جدولها عنايه كامله للشعر وماشاء الله تركت الخلطه اللحين بس تستخدمها مره بالاسبوع
وماشاء الله ماتغير